QR Bilim jáne ǵylym ministri Ashat Aimaǵambetov Almatyda joǵary oqý oryndarynyń stýdentterimen kezdesti. Bul týraly ministr óziniń Facebook paraqshasynda jazdy, dep habarlaidy QazAqparat.
«Abai atyndaǵy QazUPÝ stýdentterimen kezdestim. Sonymen qatar Qyzdar pedagogikalyq ýniversitetiniń jataqhanasynda bolyp, onda turatyn stýdenttermen de áńgimelestim.
Kózderi janyp turǵan jastarmen jii kezdesemin jáne olardyń shyǵarmashylyq ideialary men keide qiyn suraqtaryn qýana tyńdaimyn.
Bul joly bolashaq ustazdarmen túlekterdiń kásibi attestattaý taqyrybyn talqyladyq.
Sondai-aq muǵalimderdiń mansaptyq perspektivalary, mektep pen ýniversitet arasyndaǵy ózara bailanys, pedagogikalyq tájiribedegi ózgerister jáne kez kelgen jumysta ustanýǵa tiis printsipter, iaǵni akademiialyq adaldyqtyń mańyzy týraly áńgime órbittik. Kóptegen suraq pen qyzyqty ideiaǵa toly kezdesý boldy», - dep jazdy ministr.
