Ulttyq ulan áskeri keńesiniń hatshysy Saverdin Imirov sarbazdar arasynda vaktsinalaýdyń alǵashqy kezeńi nege baiaý júrgenin túsindirdi, dep habarlaidy QazAqparat.
«Biz birinshi jartyjyldyqtyń sońyna qarai, shildege deiin áskeri qyzmetshilerdi vaktsinalaýdy aiaqtaýdy josparlap otyrmyz. Kóptegen áskeri qyzmetshi ózimizdiń qazaqstandyq vaktsinany kútti. Sondyqtan alǵashqy kezeńde qalys qaldy. Otandyq vaktsina qazaqstandyqtarǵa egile bastady. Densaýlyq saqtaý ministriniń búgin úlgi bolyp ózi vaktsina qabyldaýy el ishinde oń áser týǵyzady dep senemin. Bizdiń áskeriler de otandyq vaktsina alady dep oilaimyn», - dedi Saverdin Imirov Ortalyq kommýnikatsiialar qyzmetinde.
Buǵan deiin habarlaǵanymyzdai, sońǵy málimet boiynsha, Ulttyq ulan sapyndaǵy 10 608 áskeri qyzmetshi koronavirýsqa qarsy reseilik vaktsinanyń birinshi komponentin, 606 adam ekinshi komponentin qabyldaǵan.
