Foto: pexels.com
Qazaqstandaǵy memlekettik qyzmetkerler men áskeri mamandarǵa oiynhanalarǵa barýǵa tyiym salynady. Jarlyqqa engizilgen ózgerister "Ashyq NQA" saitynda jariialandy, dep habarlaidy Sputnik Qazaqstan.
"Qazaqstan Respýblikasy Prezidentiniń keibir jarlyqtaryna ózgerister engizý týraly" Jarlyq jobasy Qazaqstan Respýblikasy Prezidenti Ákimshiliginiń memlekettik qyzmetshilerdiń, quqyq qorǵaý organdary qyzmetkerleriniń jáne áskeri qyzmetshilerdiń oiyn mekemelerine barýyna shekteýlerdi belgileý týraly tapsyrmalaryn iske asyrý maqsatynda ázirlendi", - delingen Jarlyq jobasynyń túsindirme jazbasynda.
Bul túzetýler memlekettik bilik organynyń abyroiy men bedeline onyń ókilderiniń tarapynan nuqsan keltiretin áreketterge jol bermeýge, bedeldik táýekelderdi tómendetýge baǵyttalǵan deidi.
"Bilik ókilderiniń oiyn mekemesine barýy faktileri qoǵam tarapynan negizdi syn týdyryp, bedeldik táýekelderge alyp keledi. Olarǵa joǵary talaptar qoiylady, olar azamattardyń aldynda memlekettik biliktiń qadir-qasieti men bedeline nuqsan keltiretin áreketterge jol bermeýge tiis", - delingen "Ashyq NQA" saitynda.
Qujat 28 tamyzǵa deiin qoǵamdyq talqylaýǵa usynyldy.
