«Áskeri ónim» baǵdarlamasy boiynsha ótinimder qabyldaý bastaldy, dep habarlaidy "Ult aqparat".
Turǵyn úi qurylys jinaq bankiniń habarlaýynsha, bankte qarajat jinap júrgen jáne turǵyn úi tólemderin alatyn 3000 qazaqstandyq áskeriler men arnaiy organ qyzmetkerlerine SMS-habarlama jiberildi.
2020 jyly «Áskeri ónim» baǵdarlamasy boiynsha jeńildetilgen nesie berý maqsatynda 60 mlrd teńge bólindi. Bank árbir klient úshin ýaqyttyń qymbat ekendigin jaqsy biledi. Osyǵan orai, baǵdarlama boiynsha zaim alatyn úmitkerler tizimin turǵyn úi tólemderin alýshylardyń jinaǵan somasyna jáne de ótinimdi berý merzimine sai qurdy. Bul tizimge 2020 jyldyń 1 qańtaryna deiin ortasha nesie somasynyń - Nur-Sultan jáne Almaty qalalary boiynsha 25 mln teńge, al qalǵan aimaqtar boiynsha 15 mln teńge - 10%-49%-yn jinaǵan úmitkerler kiredi.
Jalpy alǵanda tizimge shamamen 3 myń adam alyndy. Eń aldymen 49% kóleminde qarajat jinaǵandar, al odan keiin qarajat kólemine sai eń kóbinen eń tómengisine deiingi salymy bar úmitkerler irikteldi. Tizimniń basynda turǵan azamattar qazirdiń ózinde nesie alý úshin ótinim bere alady.
Áskeri qyzmetkerlerdiń óz ýaqytyn durys josparlap, qajetti qujattardy daiyndap úlgerýi úshin, árbir úmitkerge nesie ótinimin joldaý maqsatynda eki ai kóleminde ýaqyt beriledi. Máselen, eger ótinim berý merzimi retinde sáýir aiy kórsetilse, onda úmitker nesie alý úshin ótinimin 2020 jyldyń 1 sáýirinen bastap 2020 jyldyń 29 mamyryna deiin tapsyra alady.
«Áskeri ónim» baǵdarlamasy boiynsha zaim alý sharttary ózgertilmedi. Zaim jańa nemese qoldanystaǵy úiden páter alýǵa jáne oǵan jóndeý jumystaryn júrgizýge, sondai-aq, úlestik qatysý kelisimsharty boiynsha beriledi. Baǵdarlama talaptaryna sai, bastapqy jarna mólsheri 15%-dy, zaim boiynsha syiaqy mólsherlemesi – 8%-dy, al nesielendirý merzimi – 25 jylǵa deiingi ýaqytty quraidy.
