Áskeri mindettiler sý tasqynymen kúreske jumyldyrylýy múmkin. Bul týraly QR IIM Tótenshe jaǵdailar komitetiniń tóraǵasy Vladimir Bekker aitty, dep habarlaidy "Ult aqparat".
«Qajettiniń barlyǵy - tehnika da, adam da bar jáne olar jumys istep jatyr. Nur-Sultan qalasynyń irgesindegi Talapker eldi mekenin de qaperden shyǵarǵan joqpyz. Talapker de, barlyq eldi meken de baqylaýda tur», - dedi komitet tóraǵasy onlain brifing barysynda BAQ ókilderiniń saýalyna orai.
Sonymen qatar, ol arnaýly jiynǵa shaqyrylǵan áskeri mindettiler de qajet bolǵan jaǵdaida sý tasqynymen kúres jumystaryna jumyldyrylýy múmkin ekendigin jasyrmady.
«Eger mundai qajettilik týyndaityn bolsa, árine, biz olardyda jumyldyratyn bolamyz. Ázirshe onyń qajettiligi bolmai tur. Ózimizdiń de qolymyzdan kelip jatyr. Jergilikti atqarýshy organdar, azamattyq qorǵanys organdarynyń bólimsheleri, Ulttyq ulan bar», - dedi Vladimir Bekker.
Esterińizge sala ketsek, keshe Qazaqstan Prezidenti áskeri mindettilerdi arnaýly jiynǵa shaqyrý týraly Jarlyq shyǵarǵan bolatyn.
