QR Úkimeti áskeri qyzmetshiler men quqyq qorǵaý organdary qyzmetkerlerine zeinetaqy taǵaiyndaý týraly qaýlyǵa ózgerister engizildi. "Ult aqparat" qaýlynyń tolyq mátinin jariialaidy.
Qazaqstan Respýblikasy Úkimetiniń 2020 jylǵy 22 sáýirdegi №237 Qaýlysy
«Áskeri qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondai-aq arnaýly ataqtar, synyptyq shender alý jáne nysandy kiim kiip júrý quqyqtary 2012 jylǵy 1 qańtardan bastap joiylǵan adamdarǵa zeinetaqy tólemderin taǵaiyndaý jáne júzege asyrý qaǵidalaryn bekitý týraly» Qazaqstan Respýblikasy Úkimetiniń 2013 jylǵy 31 jeltoqsandaǵy №1500 qaýlysyna ózgerister men tolyqtyrýlar engizý týraly
Qazaqstan Respýblikasynyń Úkimeti QAÝLY ETEDI:
- «Áskeri qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondai-aq arnaýly ataqtar, synyptyq shender alý jáne nysandy kiim kiip júrý quqyqtary 2012 jylǵy 1 qańtardan bastap joiylǵan adamdarǵa zeinetaqy tólemderin taǵaiyndaý jáne júzege asyrý qaǵidalaryn bekitý týraly» Qazaqstan Respýblikasy Úkimetiniń 2013 jylǵy 31 jeltoqsandaǵy № 1500 qaýlysyna (Qazaqstan Respýblikasynyń PÚAJ-y, 2013 j., № 78, 1023-qujat) mynadai ózgerister men tolyqtyrýlar engizilsin:
kórsetilgen qaýlymen bekitilgen Áskeri qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondai-aq arnaýly ataqtar, synyptyq shender alý jáne nysandy kiim kiip júrý quqyqtary 2012 jylǵy 1 qańtardan bastap joiylǵan adamdarǵa zeinetaqy tólemderin taǵaiyndaý jáne júzege asyrý qaǵidalarynda:
1-tarmaqta:
3) tarmaqsha mynadai redaktsiiada jazylsyn:
«3) «Azamattarǵa arnalǵan úkimet» memlekettik korporatsiiasy (budan ári – Memlekettik korporatsiia) – Qazaqstan Respýblikasynyń zańnamasyna sáikes memlekettik qyzmetter, tabiǵi monopoliialar sýbektileriniń jelilerine qosylýǵa tehnikalyq sharttardy berý jónindegi qyzmetter jáne kvazimemlekettik sektor sýbektileriniń qyzmetterin, «bir tereze» qaǵidaty boiynsha memlekettik qyzmetterdi, tabiǵi monopoliialar sýbektileriniń jelilerine qosylýǵa tehnikalyq sharttardy berý jónindegi qyzmetterdi, kvazimemlekettik sektor sýbektileriniń qyzmetterin kórsetýge ótinishterdi qabyldaý jáne kórsetiletin qyzmetti alýshyǵa olardyń nátijelerin berý jónindegi jumysty uiymdastyrý, sondai-aq onyń ornalasqan orny boiynsha jyljymaityn múlikke quqyqty memlekettik tirkeýdi júzege asyratyn memlekettik qyzmetterdi elektrondyq nysanda kórsetýdi qamtamasyz etý úshin Qazaqstan Respýblikasy Úkimetiniń sheshimi boiynsha qurylǵan zańdy tulǵa»;
5) tarmaqsha mynadai redaktsiiada jazylsyn:
«5) Memlekettik korporatsiianyń filialdary – Memlekettik korporatsiianyń oblystardaǵy, respýblikalyq mańyzy bar qalalardaǵy jáne astanadaǵy filialdary;»;
7-tarmaqta:
- tarmaqsha mynadai redaktsiiada jazylsyn:
«1) jeke basyn kýálandyratyn qujat (jeke kýáligi, azamattyǵy joq adamnyń kýáligi, sheteldiktiń turýǵa yqtiiarhaty, Qazaqstan Respýblikasy azamatynyń tólqujaty);»;
- tarmaqsha alyp tastalsyn;
5) tarmaqshanyń ekinshi bóligi alyp tastalsyn;
6) tarmaqsha mynadai mazmundaǵy ekinshi bólikpen tolyqtyrylsyn:
«Qujattardyń kóshirmeleri «Notariat týraly» 1997 jylǵy 14 shildedegi Qazaqstan Respýblikasynyń Zańynda belgilengen tártippen kýálandyrylǵan jaǵdailardan basqa, qujattardyń kóshirmelerin usynylǵan túpnusqalarymen salystyrǵannan keiin bólimsheniń laýazymdy adamy kýálandyrýǵa tiis»;
9-tarmaqtyń ekinshi bóligi mynadai redaktsiiada jazylsyn:
«Múgedek bolyp tabylatyn alýshynyń eńbek sińirgen jyldary úshin zeinetaqy tólemderiniń mólsheri múgedekterdiń tiisti sanattary úshin belgilengen múgedektigi boiynsha ailyq járdemaqynyń mólsherinen az bolsa, onda ýákiletti memlekettik organ «Qazaqstan Respýblikasynda múgedektigi boiynsha jáne asyraýshysynan aiyrylý jaǵdaiy boiynsha beriletin memlekettik áleýmettik járdemaqylar týraly» 1997 jylǵy 16 maýsymdaǵy Qazaqstan Respýblikasynyń Zańy 12-babynyń 5-tarmaǵyna sáikes eńbek sińirgen jyldary úshin zeinetaqy tólemderine qosymsha aqy belgileidi»;
11-tarmaq mynadai redaktsiiada jazylsyn:
«11. Ýákiletti memlekettik organdar Memlekettik korporatsiianyń filialdaryna osy Qaǵidalarǵa 6-qosymshaǵa sáikes 1-V/L nysany boiynsha habarlamany qosa bere otyryp, osy Qaǵidalarǵa 2 jáne 3-qosymshalarǵa sáikes 1-IÝ, 1-VS nysandary boiynsha zeinetaqy tólemderin júzege asyrýǵa arnalǵan úzindilerdi bir danada nemese elektrondy túrde beredi»;
14-tarmaq mynadai redaktsiiada jazylsyn:
«14. Memlekettik korporatsiianyń filialdary úzindiler kelip túsken kezde olardy osy Qaǵidalarǵa 7-qosymshaǵa sáikes nysan boiynsha úzindilerdi tirkeý jýrnalynda tirkeidi jáne «Zeinetaqylardy jáne járdemaqylardy tóleý jónindegi ortalyqtandyrylǵan derekqor» avtomattandyrylǵan aqparattyq júiesinde alýshylardyń kartochkalaryn qalyptastyrady jáne kartochkaǵa tiisti derekterdi ne olar boiynsha ózgeristerdi engizedi.
Memlekettik korporatsiianyń filialdary úzindiler, tólemderdi toqtata turý nemese toqtatý týraly habarlamalar elektrondy túrde kelip túsken kezde olardy osy Qaǵidalarǵa 7-1-qosymshaǵa sáikes nysan boiynsha úzindiler men habarlamalar týraly málimetterdi elektrondyq tirkeý jýrnalynda tirkeidi»;
kórsetilgen Qaǵidalarǵa 1, 9, 11-qosymshalar osy qaýlyǵa 1, 2, 3-qosymshalarǵa sáikes jańa redaktsiiada jazylsyn;
osy qaýlyǵa 4-qosymshaǵa sáikes kórsetilgen Qaǵidalarǵa 7-1-qosymshamen tolyqtyrylsyn.
2. Osy qaýly alǵashqy resmi jariialanǵan kúninen keiin qoldanysqa engiziledi.
Qazaqstan Respýblikasynyń Premer-Ministri A. Mamin
