Ótken aida Memleket basshysy Qasym-Jomart Toqaev Qazaqstan Respýblikasynyń keibir zańnamalyq aktilerine áskeri qyzmet jáne arnaýly memlekettik organdar qyzmetkerleri men áskeri qyzmetshilerdiń turǵyn úi qatynastary máselesi boiynsha ózgerister men tolyqtyrýlardy engizý týraly Qazaqstan Respýblikasynyń Zańyna qol qoiǵan bolatyn. Áskeri qyzmetshilerdi osy másele tóńireginde alda qandai oń ózgerister kútip turǵany jóninde tolyǵyraq Qorǵanys ministrligi Qarýly kúshteri áskeri infraqurylym bas basqarmasy turǵyn úi basqarmasynyń bastyǵy podpolkovnik Baýyrjan Zekenov aityp berdi, – dep habarlaidy «Ult aqparat».
Onyń aitýynsha, qazir zań jobasy aiasynda úsh zańǵa ózgeris engizilgen. Atap aitsaq, Qazaqstan Respýblikasynyń turǵyn úi qatynastary týraly, arnaýly memlekettik organdar týraly jáne áskeri qyzmet pen áskeri qyzmetshiler mártebesi týraly zańdarǵa ózgerister engizildi.
«Endi oǵan tolyǵyraq toqtalaiyq. Turǵyn úi qatynastary týraly zańyna keletin bolsaq, onda mobildik turǵyn úi uǵymy engizildi. Sonymen qatar, jekeshelendirý quqyǵy jáne áskeri qyzmetten bosatylǵan sátte turǵyn úi tólemderin alý suraqtary retteldi. Mobildik turǵyn úi uǵymyna qatysty, bul - jabyq oqshaýlanǵan áskeri qalashyqtarda, sonymen qatar shekara bólimshelerinde, ózge de jabyq obektilerde ornalasqan áskeri qyzmetshiler men olardyń otbasylaryna turýǵa arnalǵan obekt bolyp tabylady. Mundai sheshim qabyldaý sebebi, endi ár kezde ártúrli jaǵdai bolady. Óitkeni, meken jaidan alys ornalasqan, oqshaýlanǵan jeke rotalar bar, ol jerlerde kúrdeli qurylys salý maqsatqa sai emes. Sol sebepti, ol jerlerde mobildik úidi jinaqtaý tiimdi dep sanaimyz», – deidi podpolkovnik Baýyrjan Zekenov.
Qorǵanys ministrligi Qarýly kúshteri áskeri infraqurylym bas basqarmasy turǵyn úi basqarmasynyń bastyǵynyń aitýynsha, qabyldanǵan ózgerister men tolyqtyrýlardan keiin áskeri qyzmetshilerdiń jaǵdaiy jaqsara túspek.
«Aityp ótýge bolatyn tyń ózgeristerdi qysqasha aitatyn bolsaq, onda biraz jeńildikter qarastyrylǵan. Mysaly áskeri qyzmeti áskeri qyzmetten bosatylý kezinde bir jylǵa turǵyn úi tólemderin alý quqyǵy bar. Osy ýaqytqa jeiin olar ózderin turǵyn úige muqtajbyz degen baianatyn ákelý talap qoiylatyn. Sondyqtan qazirgi ýaqytta ondai talap alynyp tastaldy. Sonymen qatar, qazirgi kezde olar tek qyzmettik úi men jaýapkershiligi bar jaýapty áskeri bólimnen anyqtama ákelse, sol jetkilikti bolady. Áskeri qyzmettik úimen qamtamasyz etiledi degen. Sonymen qatar, taǵy da ózgerister bar. Mysaly, 1 qańtar 2013 jylǵa deiingi áskeri qyzmette kúntizbelik esep boiynsha on jyldan az áskeri qyzmetshilerge jekeshelendirý quqyǵy zań boiynsha qarastyrylmaǵan. Ol másele de qarastyrylyp, qazir ol zańnan alynyp tastaldy. Sonymen qatar, qazir 1 qańtar 2013 jylǵa deiingi áskeri qyzmette kúntizbelik esep boiynsha on jyldan az áskeri qyzmetshilerge jekeshelendirý quqyǵy tolyǵymen berilip otyr. On jyldan astam alady, odan ári jiyrma jyldan astam istese, óteýsiz jekeshelendirý quqyǵyna ie bolady. Sonymen qatar, taǵy da ózgerister bar. Mysaly, bizde zańda qazirgi kezde eger áskeri qyzmetshi múgedek balasy bolsa otbasynda, oǵan jekeshelendirý quqyǵy óteýsiz beriledi. Bir talaby ol áskeri qyzmette kúntizbelik esepteýmen on jyldan astam qyzmet isteý kerek. Áskeri qyzmet jáne áskeri qyzmetshiler mártebesi týraly zańyna bailanysty, onda meditsina qyzmetiniń ofitserlerine áskeri qyzmetke shaqyrý jasy ulǵaitylǵan. Ol 29-dan 32 jasqa deiin kóterildi, – deidi Qorǵanys ministrligi Qarýly kúshteri áskeri infraqurylym bas basqarmasy turǵyn úi basqarmasynyń bastyǵy, podpolkovnik Baýyrjan Zekenov.
Sonymen, memlekettik organ birinshi basshysynyń sheshimimen, kásibi daiarlyǵy mol áskeri qyzmetshilerdiń shekti jasyn bes jylǵa deiin uzartý qarastyrylǵan. Taǵy da aita ketetin másele, áskeri qyzmetke birinshi kirýge kelgen azamattarǵa 30-dan 32 jasqa deiin merzimi uzartyldy. Sonymen qatar, negizgi baǵyt bizdiń áskeri qyzmette tájiribeli, sapaly mamandardy saqtap qalý bolyp tabylady.
Esterińizge sala keteiik, Memleket basshysy Qasym-Jomart Toqaev Qazaqstan Respýblikasynyń keibir zańnamalyq aktilerine áskeri qyzmet jáne arnaýly memlekettik organdar qyzmetkerleri men áskeri qyzmetshilerdiń turǵyn úi qatynastary máselesi boiynsha ózgerister men tolyqtyrýlardy engizý týraly Qazaqstan Respýblikasynyń Zańyna qol qoiǵan edi. Áskeri qyzmetshilerdi osy másele tóńireginde alda qandai oń ózgerister kútip turǵany jóninde tolyǵyraq Qorǵanys ministrligi Qarýly kúshteri áskeri infraqurylym bas basqarmasy turǵyn úi basqarmasynyń bastyǵy podpolkovnik Baýyrjan Zekenov aityp berdi.
Onyń aitýynsha, qazir zań jobasy aiasynda úsh zańǵa ózgeris engizilgen. Atap aitsaq, Qazaqstan Respýblikasynyń turǵyn úi qatynastary týraly, arnaýly memlekettik organdar týraly jáne áskeri qyzmet pen áskeri qyzmetshiler mártebesi týraly zańdarǵa ózgerister engizildi.
