Memleket basshysy Qasym-Jomart Toqaev óziniń jyl saiynǵy Qazaqstan halqyna Joldaýynda qazirgi álemde básekege qabilettiliktiń basty faktorlarynyń biri barynsha tsifrlandyrý ekenin atap ótken bolatyn. «Tsifrlyq Qazaqstan» memlekettik baǵdarlamasynyń sheńberinde barlyq memlekettik organdar turaqty túrde tsifrlandyrý boiynsha jumys júrgizýde. Qorǵanys vedomstvosy da jańashyldyqtan tys qalmai, jumystaryn belsendi túrde júrgizip keledi. Máselen, Qorǵanys ministrligi áskeri qyzmetshilerdi zeinetaqymen qamsyzdandyrý protsesin avtomattandyrý arqyly iske asyrady. Bul jaily tolyǵyraq Qorǵanys ministrligi Zeinetaqymen qamsyzdandyrý ortalyǵynyń bastyǵy, polkovnik Qaiyrjan Bimoldin áńgimelep berdi, – dep habarlaidy «Ult aqparat».
Qorǵanys ministrligi Zeinetaqy aýdarymdary baǵdarlamasyn iske qosqany bárine málim. Onyń erekshelikteri qandai jáne zeinetaqyny resimdeý protsedýrasy qanshalyqty qysqartyldy? Spiker aldymen osy suraqtyń jaýabyn berýge tyrysty.
Qorǵanys ministrligi Zeinetaqymen qamsyzdandyrý ortalyǵynyń bastyǵy, polkovnik Qaiyrjan Bimoldinniń aitýynsha, tsifrlandyrý bastalǵaly biraz oń jumystar atqarylyp úlgerilgen. Naqty aitqanda, zeinetaqy júiesin tsifrlandyrý jumystary kezeń-kezeńimen júzege asyrylyp otyrǵan.
«Elimizde júrip jatqan «Tsifrly Qazaqstan» baǵdarlamasy aiasynda Qorǵanys ministrligi júiesi avtomattandyryldy. Avtomattandyrylǵanda, onyń ishinde birinshi suraqtar - Zeinetaqy taǵaiyndaý, qaita qaraý, jańǵyrtý protsesteri avtomattandyryldy. Sonymen qatar, burynǵy júie boiynsha, munyń bári qolmen istelinetin jáne zeinetaqy tólemderiniń kóshirmeleri poshta arqyly jiberiletin. Búgingi kúnde munyń bári integratsiialyq júie boiynsha birneshe sekýndtyń ishinde jetedi. Al taǵaiyndaýǵa qatysty qujattar buryn poshta arqyly eki aidyń ishinde baryp jatsa, búgingi kúni eki juma men bir aidyń ishinde júzege asatyn jaǵdaiǵa jetti.
Áskeri qyzmetshilerdiń zeinetaqy taǵaiyndaý normalary Qazaqstan Respýblikasynyń Zeinetaqy zańynda qarastyrylǵan. Ol áskeri qyzmetshiniń eńbek ótiline tikelei bailanysty. Naqty aitsaq, eger 25 jyl eńbek ótili bolsa, ol áskeri qyzmetshige elý paiyz zeinetaqy taǵaiyndalady. Al 25 jyldan astam jyldarǵa ár jylǵa eki paiyzdan zeinetaqy ósip otyrady. Sáikesinshe 30 jyl eńbek ótili bolǵan áskeri qyzmetshige óziniń alyp otyrǵan jalaqysynan 60 paiyz zeinetaqy taǵaiyndalady.
Al zeinetaqyny kóterý normasy Qazaqstan Respýblikasynyń Zeinetaqy júiesiniń zańynda qarastyrylǵan. Onyń mólsheri jyldyq respýblikalyq biýdjetti bekitý týraly Zańynda qarastyrylady. Soǵan sáikes, kórsetilgen mólsherinde jylda osy avtomattandyrylǵan túrde zeinetaqyny qaita qaraimyz», – dedi Qorǵanys ministrligi Zeinetaqymen qamsyzdandyrý ortalyǵynyń bastyǵy, polkovnik Qaiyrjan Bimoldin.
Onyń aitýynsha, Úkimetten bekitilgen eń úlken norma bul - barlyq áskeri qyzmetshiler memlekettik biýdjet arqyly zeinetaqy taǵaiyndaý júiesine kóshti. Buryn jinaqtaý júiesinde bolǵan.
«Bul búgingi kúngi óte jaqsy jetistik dep oilaimyn. Áskeri qyzmetshilerdiń mártebesi jónindegi Zańda jas ulǵaitý máselesi qarastyrylǵan. Biyl ol zańǵa ózgeris engizildi. Bes jylǵa deiin uzartý normasy engizilgen. Soǵan sáikesinshe, áskeri qyzmetshiniń zeinet jasyn bes jylǵa deiin sozýǵa bolady. Keleshektegi júrgizilip jatqan jumystardy aitatyn bolsaq, Qazaqstan Respýblikasynyń Zeinetaqy júiesin jańǵyrtý jóninde kontseptsiia bekitilgen. Sol kontseptsiiaǵa sáikes, búgingi kúnde áleýmettik kodeksti daiyndap, úlken jumys júrgizilip jatyr. Sol kodekske búgingi kúnde áskeri zeinetkerler, áskeri qyzmetshiler kóterip otyrǵan máseleler boiynsha usynys jasaldy. Osyny jumys retinde qarastyratyn bolamyz», – dedi Qorǵanys ministrligi Zeinetaqymen qamsyzdandyrý ortalyǵynyń bastyǵy, polkovnik Qaiyrjan Bimoldin.
Esterińizge sala keteiik, Memleket basshysy Qasym-Jomart Toqaev jyl saiynǵy Qazaqstan halqyna joldaýynda qazirgi álemde básekege qabilettiliktiń basty faktorlarynyń biri barynsha tsifrlandyrý ekenin atap ótken bolatyn. «Tsifrlyq Qazaqstan» memlekettik baǵdarlamasynyń sheńberinde barlyq memlekettik organdar turaqty túrde memlekettik organdardyń qyzmetin tsifrlandyrý boiynsha belsendi jumys júrgizýde. Qorǵanys vedomstvosy da tys qalmai, jumystaryn belsendi túrde júrgizip keledi. Máselen, Qorǵanys ministrligi áskeri qyzmetshilerdi zeinetaqymen qamsyzdandyrý protsesin avtomattandyrý arqyly iske asyrady. Bul jaily tolyǵyraq Qorǵanys ministrligi Zeinetaqymen qamsyzdandyrý ortalyǵynyń bastyǵy, polkovnik Qaiyrjan Bimoldin áńgimelep bergen bolatyn. Onyń aitýynsha, áskeri qyzmetshilerdiń zeinetaqy taǵaiyndaý normalary Qazaqstan Respýblikasynyń Zeinetaqy zańynda qarastyrylǵan. Ol áskeri qyzmetshiniń eńbek ótiline tikelei bailanysty. Naqty aitsaq, eger 25 jyl eńbek ótili bolsa, ol áskeri qyzmetshige elý paiyz zeinetaqy taǵaiyndalady.
