QR Qorǵanys ministrliginiń əskeri qyzmetshileri ózderiniń bir kúndik jalaqylaryn koronavirýspen kúresý úshin qurylǵan qorǵa aýdardy. Qarjylai kómekti aýdarý sheshimi erikte túrde qabyldandy, dep habarlaidy "Ult aqparat".
Qarýly Kúshteriniń jeke quramy Elbasy Nursultan Nazarbaev pen Qazaqstan Respýblikasynyń Prezidenti Qasym-Jomart Toqaevtyń ideiasyn biraýyzdan qoldap, osylaisha armiianyń infektsiianyń taralýyna qarsy kúreste barlyq múmkin bolatyn kómek berýge daiyn ekendigin taǵy bir márte kórsetti.
Ózderińiz biletindei, Qazaqstannyń Tuńǵysh Prezidenti, Ulttyq qaýipsizdik keńesiniń tóraǵasy Nursultan Nazarbaev qazaqstandyqtarǵa úndeý tastap, «qaýip-qaterge qarsy bir memlekettiń kúsh-jigeri jetkiliksiz, sondyqtan árbir azamat óz úlesin qosýy kerek» degen usynys jasady.
Sondai-aq, qarajat jinaý úshin respýblikalyq qor qurý usynyldy. Qazirgi tańda bul ideiany Elbasy keńsesi qyzmetkerleri men Qazaqstan Parlamenti Senatynyń depýtattary qoldady.
