Foto: mod.gov.kz
Qazir áskeri boryshyn ótep jatqan bes myńnan asa sarbazdyń 1,4 milliard teńge nesiesi bar. Bul týraly Qorǵanys ministrliginiń baspasóz hatshysy Rýslan Jangýlin aitty, - dep habarlaidy Massaget.kz.
Onyń aitýynsha, byltyr Qorǵanys ministrligi Qarjy naryǵyn retteý jáne damytý agenttigimen birlesip, kelisimge qol qoiǵan.
"Nátijesinde qazaqstandyqtar áskeri boryshyn ótegende kreditti tóleý merzimi shegeriletin bolǵan. Agenttik ekinshi deńgeili bankter men mikroqarjy uiymdarymen birigip jumys istep jatyr. Osylaisha, búginde áskeri boryshyn ótep jatqan 5 myńnan asa sarbazdyń 1,4 milliard teńge krediti shegerildi", - dedi Rýslan Jangýlin OKQ-de ótken baspasóz máslihatynda.
Sondai-aq, ol sarbazdar nesieni qandai maqsatta alǵanyn túsindirdi.
"Olar tutynýshylyq kreditti ártúrli maqsatqa alǵan. Mysaly, tehnika, uialy telefondar, gadjetterdi alý úshin nesie rásimdegen. Kelisimniń aiasynda búginde 5 myńnan asa sarbazdyń krediti shegerildi", - dedi Qorǵanys ministrliginiń baspasóz hatshysy.
