فوتو: mod.gov.kz
قازٸر ەسكەري بورىشىن ٶتەپ جاتقان بەس مىڭنان اسا ساربازدىڭ 1,4 ميلليارد تەڭگە نەسيەسٸ بار. بۇل تۋرالى قورعانىس مينيسترلٸگٸنٸڭ باسپاسٶز حاتشىسى رۋسلان جانگۋلين ايتتى, - دەپ حابارلايدى Massaget.kz.
ونىڭ ايتۋىنشا, بىلتىر قورعانىس مينيسترلٸگٸ قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسٸپ, كەلٸسٸمگە قول قويعان.
"نەتيجەسٸندە قازاقستاندىقتار ەسكەري بورىشىن ٶتەگەندە كرەديتتٸ تٶلەۋ مەرزٸمٸ شەگەرٸلەتٸن بولعان. اگەنتتٸك ەكٸنشٸ دەڭگەيلٸ بانكتەر مەن ميكروقارجى ۇيىمدارىمەن بٸرٸگٸپ جۇمىس ٸستەپ جاتىر. وسىلايشا, بٷگٸندە ەسكەري بورىشىن ٶتەپ جاتقان 5 مىڭنان اسا ساربازدىڭ 1,4 ميلليارد تەڭگە كرەديتٸ شەگەرٸلدٸ", - دەدٸ رۋسلان جانگۋلين وكق-دە ٶتكەن باسپاسٶز مەسليحاتىندا.
سونداي-اق, ول ساربازدار نەسيەنٸ قانداي ماقساتتا العانىن تٷسٸندٸردٸ.
"ولار تۇتىنۋشىلىق كرەديتتٸ ەرتٷرلٸ ماقساتقا العان. مىسالى, تەحنيكا, ۇيالى تەلەفوندار, گادجەتتەردٸ الۋ ٷشٸن نەسيە رەسٸمدەگەن. كەلٸسٸمنٸڭ اياسىندا بٷگٸندە 5 مىڭنان اسا ساربازدىڭ كرەديتٸ شەگەرٸلدٸ", - دەدٸ قورعانىس مينيسترلٸگٸنٸڭ باسپاسٶز حاتشىسى.
