Jambyl oblysynyń ákimdigi áskeri bólim qoimasynda bolǵan jarylystan zardap shekkenderdiń jaǵdaiy týraly habarlady.
Tańǵy 08.00-degi jaǵdi boiynsha aýrýhanalarda 28 naýqas jatyr, onyń altaýy aýyr hálde, dep naqtylady vedomstvo. 32 dáriger, olardyń arasynda dáriger-travmatologtar, neirohirýrgter, hirýrgter, reanimatologtar jáne basqalary, 56 orta meditsina qyzmetkeri jumyldyrylǵan. Aýrýhana dári-dármekpen qamtamasyz etildi.
Tarazda apat aýmaǵynan evakýatsiialanǵan adamdar úshin 400-den astam oryn daiyndaldy. Taǵy qosymsha 1000 tósek-oryn daiyndalýy múmkin.
27 tamyz 08.00-degi málimetke sáikes, ýaqytsha evakýatsiia pýnkterinde 171 adam bar, olarǵa qajetti jaǵdai jasalǵan, tańǵy as berildi.
Jedel meditsinalyq kómek kórsetý úshin 37 jedel járdem brigadasy, onyń ishinde úsh meditsinalyq aviatsiia brigadasy tartyldy. Olardyń arasynda bir brigada Tarazdaǵy №5 mektepte, taǵy bireýi Taraz politehnikalyq kolledjinde kezekshilik etedi. Ol jerge Baizaq aýdany Bazarbai aýylynan buǵan deiin 226 adam kóshirilgen bolatyn.
TJ týraly aqparat bilý úshin qaýyrt jeli ashyldy: 8 (7262) 51-41-67, 8(7262) 51-37-75. Sondai-aq 109 nómirine habarlasýǵa, 8-778-810-91-09 WhatsApp nómirine habarlama jiberýge bolady.
Jambyl oblysynyń biryńǵai dispetcherlik qyzmetine barlyǵy 473 qońyraý túsken.
