© Photo: QR Qorǵanys ministrligi
Senat depýtaty Janna Asanova otandyq qarý-jaraq, dýlyǵa jáne qorǵanys qalqandaryn shyǵaratyndar óz ónimin synaqtan ótkize almai otyrǵanyn málimdedi, dep habarlaidy Sputnik Qazaqstan.
Senatordyń aitýynsha, Qazaqstanda atys synaqtaryn júrgizýge arnalǵan tirkelgen zerthana men óndirilgen buiymdardyń memlekettik standart talaptaryna sáikestigin sertifikattaý jónindegi organdar joq.
"Óndiriletin jeke qorǵanys quraldarynyń, onyń ishinde oq ótpeitin saýyttar men dýlyǵalar jáne qorǵanys qalqandarynyń jiyntyǵyn memlekettik standartqa sáikestigin rastaityn senimdi zerthana men sertifikattaý organdarynyń máselesin qarastyrý qajet. Sondai-aq Qazaqstannyń otandyq óndirýshileri arasynda jeke qorǵanys quraldaryn satyp alý rásimderin ótkizý múmkindigine taldaý jasaý qajet", - dedi Asanova depýtattyq saýalynda.
Aitýynsha, áskeri qyzmetshilerge jeke qorǵanys quraldaryn daiyndaý talaptaryn belgileitin ulttyq standarttyń joqtyǵynan, memlekettik organdar memlekettik satyp alý kezinde reseilik uqsas standartty nazarǵa alyp keledi.
