QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev memorgandardyń internet-resýrstary úshin biryńǵai tuǵyrnamasyn qurý jumysy týraly aityp berdi, dep habarlaidy QazAqparat.
«Biz barga memlekettik organdardyń internet-resrýrstary úshin biryńǵai tuǵyrnamany qurýmen ainalysyp jatyrmyz. Osy sheshimdi azamattardan keletin ótinimder bazasynda qabyldadyq», - dedi ministr onlain rejimde halyqqa esep berý barysynda.
Osy oraida, ol bastapqyda bul sheshim ne úshin qabyldanǵanyn eske saldy.
«Keibir azamattar birqatar memlekettik organdardyń saittaryn tabý qiyn ekenin aitqan bolatyn. Osy oraida damyǵan elderdiń tiisti tájiribesin zerttedik. Bul elderde barlyq memlekettik organdar úshin biryńǵai tuǵyrnama qurylǵan. Osyndai platformany 310 memorgan úshin qurdyq, olardyń arasynda jergilikti atqarýshy organdar da qamtylǵan. Búginde ony qajetti kontentpen tolyqtyrýdamyz», - dedi Jumaǵaliev.
Onyń aitýynsha, qazirgi kezde atalǵan tuǵyrnamaǵa memorgandardyń 17 saity men jergilikti atqarýshy organdardyń 7 saity ornalastyryldy.
«Osy baǵytta jumystar belsendi júrgizilýde. Bul jumystar memleket shyǵynan 2 mlrd teńgege qysqartýǵa múmkindik beredi», - dedi ministr.
