QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev jáne QR Ishki ister ministriniń birinshi orynbasary Marat Qojaev Nur-Sultan qalasyndaǵy mamandandyrylǵan HQO-nyń jumysyn tekserdi, dep habarlaidy "Ult aqparat" vedomstvonyń baspasóz qyzmetine silteme jasap
Esterińizge sala keteiik, sońǵy kúnderi birqatar mamandandyrylǵan HQO-da IIM aqparattyq júielerindegi tehnikalyq jańartýlarǵa bailanysty avtokólikti tirkeýge qoiý jáne kólik júrgizýshi kýáligin rásimdeý qyzmetterin kórsetýde kidirister baiqaldy.
«Azamattarǵa arnalǵan úkimet» memkorporatsiiasynyń basqarma tóraǵasy Ásemgúl Baltasheva mamandandyrylǵan HQO-da úzdiksiz qyzmet kórsetý protsesin qamtamasyz etý úshin IIM-men birlese júrgizilip jatqan jumystardyń nátijesi týraly habardar etti.
«Sońǵy táýlikterde IIM qyzmetkerleri suranystardy óńdeý jyldamdyǵyn arttyrý úshin óz júielerine birqatar tehnikalyq ózgerister engizdi. Azamattarǵa arnalǵan úkimet qyzmetkerleri de barlyq qajetti kómekti kórsetýde. Qazirgi ýaqytta qyzmet kórsetý jyldamdyǵy artty», - dedi Ásemgúl Baltasheva.
QR IIM birinshi orynbasary Marat Qojaev ótken túnde júiede 6 jańartý jumysy júrgizilgenin jetkizdi. Sondai-aq, óz bólimshesine búgin keshke deiin barlyq aqaýdy joiýdy tapsyrdy.
Sonymen birge, Asqar Jumaǵaliev bul máseleni áli de baqylaýda ustaitynyn jetkizdi. Memlekettik korporatsiiaǵa jáne «Ulttyq aqparattyq tehnologiialar» kompaniiasyna jaǵdaidy tolyq retteý úshin kómek kórsetýdi jalǵastyrý qajettigin aitty. Ministr sondai-aq, búgin mamandandyrylǵan HQO-na sońǵy klientke qyzmet kórsetilgenshe jumys isteýdi tapsyrdy.
