Asqar Jumaǵaliev QR Premer-Ministriniń orynbasary – Qazaqstan Respýblikasynyń Qorǵanys jáne aeroǵarysh ónerkásibi ministri bolyp taǵaiyndaldy, dep habarlaidy "Ult aqparat" Aqordaǵa silteme jasap.
"Asqar Qýanyshuly Jumaǵaliev Qazaqstan Respýblikasy Premer-Ministriniń orynbasary – Qazaqstan Respýblikasynyń Qorǵanys jáne aeroǵarysh ónerkásibi ministri bolyp taǵaiyndalsyn, ol Qazaqstan Respýblikasy Premer-Ministriniń orynbasary qyzmetinen bosatylsyn" delingen Elbasy jarlyǵynda.
Asqar Qýanyshuly Jumaǵaliev 1972 jyly RKFSR Orynbor oblysynda dúniege kelgen.
Sverdlov Sývorov áskeri ýchilishesin támamdaǵan.
Keiin Qazaq ulttyq tehnikalyq ýniversitetin (Almaty q.) «Radiobailanys, radiotaratý jáne teledidar» mamandyǵy boiynsha aiaqtaǵan.
Ekinshi joǵary bilimin Qazaq gýmanitarlyq-zań ýniversitetinde «Quqyqtaný» mamandyǵy boiynsha alǵan.
Lozannanyń federativtik politehnikalyq mektebinen «Elektrondyq basqarý salasynyń magistri» ǵylymi dárejesin alǵan.
1996–1998 jyldary «Jaryq» JShS bas direktorynyń qyzmetin atqarǵan;
1998–1999 jyldary QR Kólik jáne kommýnikatsiia ministrliginiń sektor meńgerýshisi retinde eńbek etken;
1999–2000 jyldary - QR Kólik jáne kommýnikatsiia ministrliginiń Kóliktik baqylaý komitetiniń bas mamany, bólim bastyǵy bolǵan;
2000 jyly «Telekommýnikatsiialyq trafik billingi respýblikalyq ortalyǵy» RMK-da basqarma basshysy retinde jumys istegen;
2001–2003 jyldary – QR Bailanys jáne aqparattandyrý komiteti tóraǵasynyń orynbasary, bailanys salasyndaǵy memlekettik qadaǵalaý basqarmasynyń basshysy;
2003–2005 jyldary – QR Aqparattandyrý jáne bailanys agenttigi tóraǵasynyń orynbasary;
2004–2005 jyldary – QR Aqparattandyrý jáne bailanys agenttigi tóraǵasynyń m.a.;
2005–2006 jyldary – QR Aqparattandyrý jáne bailanys agenttigi tóraǵasynyń birinshi orynbasary;
2006 jyly QR Aqparattandyrý jáne bailanys agenttiginiń tóraǵasy qyzmetin atqarǵan;
2006–2010 jyldary — «Qazaqtelekom» AQ prezidenti;
2010–2012 jyldary – QR bailanys jáne aqparat ministri;
2012–2014 jyldary – QR kólik jáne kommýnikatsiialar ministri laýazymyn atqarǵan;
2014 jyly – QR bailanys jáne aqparat agenttiginiń tóraǵasy;
2014–2015 jyldary – QR investitsiialar jáne damý ministriniń orynbasary;
2015-2017 jyldary «QazAtomÓnerkásip» UAK» AQ-nyń basqarma tóraǵasy qyzmetin atqarǵan.
2017 jyldyń tamyz aiynan bastap Qazaqstan Respýblikasy Premer-Ministriniń orynbasary bolyp taǵaiyndalǵan bolatyn.
