QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev «Azamattarǵa arnalǵan úkimet» memlekettik korporatsiiasynyń jartyjyldyq jumysyn qorytyndylady, dep habarlaidy "Ult aqparat" ministrliktiń baspasóz qyzmetine silteme jasap.
Keńes barysynda «Azamattarǵa arnalǵan úkimet «memlekettik korporatsiiasy» KeAQ basshylyǵy 2019 jyldyń alǵashqy jartyjylynda atqarǵan jumystarynyń nátijeleri týraly esep berdi. Sonymen qatar, HQKO-da qyzmet kórsetý sapasyn arttyrý boiynsha, onyń ishinde qujattardy resimdeý jáne kútý kezinde zańbuzýshylyqtarǵa jol bermeý sharalary da sóz boldy.
«Azamattarǵa arnalǵan úkimet» KeAQ jáne onyń aýmaqtyq bólimsheleri basshylyǵynyń qatysýymen beinekonferentsiia formatynda ótken keńeste QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev keibir HQKO-lardaǵy úderisterdi tiisti dárejede uiymdastyrmaǵany úshin qyzmetkerlerge jeke jaýapkershilik júkteletinin aityp ótti. Sonymen qatar, Ministr qyzmet kórsetý sapasyn baqylaýdy kúsheitý jáne uzyn-sonar kezekterdi boldyrmaý boiynsha sharalar qabyldaýdy da tapsyrdy. Asqar Jumaǵaliev azamattarǵa elektrondyq úkimettiń Telegram-bot @EgovKzBot (25 qyzmet qoljetimdi) jáne mGov mobildik qosymshasy (77 qyzmet qoljetimdi) arqyly qyzmetterdi alýdy úiretýdiń mańyzdylyǵyn bas aityp ótti. Osylarmen birge, atalǵan qosymshalar arqyly qazaqstandyqtarǵa qoljetimdi qyzmetterdiń sanyn odan ári arttyrý qajettiligi de sóz boldy.
«Jergilikti jerlerdegi HQKO basshylarynyń mindeti - birinshiden, kórsetiletin qyzmetti, qujatty kútý ýaqytyn barynsha azaitý jáne kútý zaldaryn azamattar úshin jaily etý; ekinshiden, halyqqa sapaly qyzmet kórsetý boiynsha quzyrettiligi men daiyndyǵyn arttyrýǵa personaldy yntalandyrý; úshinshiden, qyzmetker HQKO-ǵa kelýshini odan ári qandai da bir qyzmetti onlain, iaǵni óz betinshe alýǵa úiretýi tiis. Men shaǵymdar men eskertýler boiynsha aqparatty turaqty túrde alyp otyramyn jáne barlyq ózgeristerdiń dinamikasyn jeke baqylaityn bolamyn», - dep atap ótti Asqar Jumaǵaliev.
Keńes barysynda kelýshiler men qyzmetkerlerdiń jailylyǵy úshin HQKO-lardy jihazben, qajetti uiymdastyrý tehnikasymen jaraqtandyrýǵa, temperatýralyq rejimdi saqtaýǵa, sondai-aq aqparattyq júielerdiń úzdiksiz jumys isteý máselelerine erekshe nazar aýdarý tapsyryldy.
Keńes qorytyndysy boiynsha Ministr memkorporatsiia basshylyǵyna salǵyrttyq tanytyp, jumystaryna tiisti deńgeide atqarmai otyrǵan aimaqtyq qurylymdyq bólimshelerdiń jekelegen basshylaryna sógis jariialaýdy usyndy.
