Túrkistanda Qazaqtyń kórnekti jazýshysy, aqyn, ádebiet synshysy Táken Álimqulovtyń 100 jyldyǵy men jazýshy, dramatýrg Asqar Súleimenovtiń 80 jyldyǵyna orai Q.A.Iasaýi atyndaǵy HQTÝ-dyń Mádeniet ortalyǵynda «Uly dalanyń dara danalary» kitap kórmesi men «Qarataýdyń tól perzentteri» atty eske alý is-sharasy ótti.
Sóz óneri sáýletkerlerine arnalǵan jiynǵa Qazaqstan Jazýshylar odaǵy basqarmasy tóraǵasynyń orynbasary Baqyt Bedelhanuly, aqyn, jazýshy Esenǵali Ábdijapparuly, ádebiettanýshy, jazýshy Qulbek Ergóbek, «Túrki álemine qyzmeti úshin» halyqaralyq syilyqtyń iegeri Rafael Niiazbekuly, Qazaqstannyń eńbek sińirgen qairatkeri Marhabat Baiǵut, aqyn Myńjasar Asqarov jáne ózge de ziialy qaýym ókilderi men stýdentter, buqaralyq aqparat quraldary qatysty.
«Qulagerdei qalamgerlerdiń atyn ardaqtaý, qurmet tutyp qasterleý, biikke kóterý, mura etip qaldyrǵan altyn qazynalaryn keleshek urpaqqa jetkizý, barshamyzdyń paryzymyz. Qart Qarataýdyń teriskeii qashanda qalamy kúmis qalamgerlerdiń, arqaly aqyndardyń mekeni, altyn besigi edi desek, ádebi shoǵyrda orny bólek sóz sáigúligi, qazaqtyń qara sóziniń zergeri atanǵan kórnekti jazýshy, aqyn Táken Álimqulovtyń týylǵanyna 100 jyl jáne de týmysy bólek tulǵa, ózgeshe daryn iesi Asqar Súleimenovtiń 80 jyldyǵyna arnalǵan mereili mereke Qazaqstan kóleminde atalyp ótýde. Elim dep eńsesin tiktegen, ultym dep uiqysy qashqan aitýly tulǵalardyń tuǵyry qashan da biik», - dep izinen qazaqtyń qasietti ádebietin ertken tamyrly sóz tulparlarynyń mereili jylymen quttyqtaǵan oblys ákiminiń orynbasary Otarbaev Málik Nurjanuly Táken Álimqulovtyń jubaiy Esimkúl Álimqulova men Asqar Súleimenovtiń uly Alisher Súleimenovke oblys basshysynyń syi-siiapatyn tabys etti.
Shara aiasynda R.Seitmetov atyndaǵy Túrkistan sazdy drama teatrynyń ártisteri «Qarataýdyń tól perzentteri» poetikalyq kompozitsiiasyn usynyp, oblys ónerpazdarynyń kontserttik baǵdarlamasyn tartý etti.
