Senat vitse-spikeri Iran Islam Respýblikasynyń Prezidentinulyqtaý rásimine qatysty, dep habarlaidy "Ult aqparat".
Qazaqstan Respýblikasy Parlamenti Senaty Tóraǵasynyń orynbasary Asqar Shákirov Memleket basshysynyń tapsyrmasy boiynsha Iran Islam Respýblikasynyń Prezidenti Ibrahim Raisidi ulyqtaý rásimine qatysty.
Iran Islam Respýblikasy Parlamentiniń ǵimaratynda ótken rásim kezinde Ibrahim Raisi resmi túrde qyzmetke kirisip, eldiń joǵarǵy zań shyǵarýshy organy depýtattarynyń aldynda ant berdi.
Tegeranda bolǵan kezde Iran Májilisiniń Tóraǵasy Mýhammad Galibafpen kezdesý boldy, onyń aiasynda taraptar Qazaqstan-Iran qatynastarynyń jai-kúii men keleshegin, sondai-aq ózara múddelilik turǵysynda halyqaralyq kún tártibiniń máselelerin talqylady.
Iran Islam Respýblikasy Májilisindegi «Iran-Qazaqstan» dostyq tobynyń jetekshisi Golam Nýrimen kelissóz júrgizilip, ekijaqty sipattaǵy jáne halyqaralyq uiymdar aiasyndaǵy parlamentaralyq yntymaqtastyq máseleleri talqylandy.
Senat Tóraǵasynyń orynbasary Iran Islam Respýblikasynyń Maqsatty belgileý jónindegi keńesiniń hatshysy Mohsen Rezaimen kezdesti, QR Parlamenti qyzmetiniń negizgi baǵyttary, sondai-aq qazirgi ýaqytta Qazaqstanda júrgizilip jatqan ózgerister týraly habardar etildi.
Maqsatty belgileý jónindegi keńes – Irannyń joǵarǵy kóshbasshysy janyndaǵy biliktiń barlyq tarmaqtaryn qadaǵalaityn ókilettikterge ie ákimshilik qurylym bolyp tabylady.
Keńes quramyna Irannyń burynǵy prezidentteri men kórnekti qairatkerleri kiredi.
Asqar Shákirov inaýgýratsiialyq sharalar aiasynda oǵan qatysqan shetel delegatsiia basshylarymen jumys babyndaǵy birqatar kezdesýler ótkizdi.
Ibrahim Raisi Iranda 18 maýsymda ótken prezidenttik sailaýda jalpy daýys sanynyń 61,95%-yn jinap, jeńiske jetken bolatyn.
