سەنات ۆيتسە-سپيكەرٸ يران يسلام رەسپۋبليكاسىنىڭ پرەزيدەنتٸنۇلىقتاۋ رەسٸمٸنە قاتىستى, دەپ حابارلايدى "ۇلت اقپارات".
قازاقستان رەسپۋبليكاسى پارلامەنتٸ سەناتى تٶراعاسىنىڭ ورىنباسارى اسقار شەكٸروۆ مەملەكەت باسشىسىنىڭ تاپسىرماسى بويىنشا يران يسلام رەسپۋبليكاسىنىڭ پرەزيدەنتٸ يبراحيم رايسيدٸ ۇلىقتاۋ رەسٸمٸنە قاتىستى.
يران يسلام رەسپۋبليكاسى پارلامەنتٸنٸڭ عيماراتىندا ٶتكەن رەسٸم كەزٸندە يبراحيم رايسي رەسمي تٷردە قىزمەتكە كٸرٸسٸپ, ەلدٸڭ جوعارعى زاڭ شىعارۋشى ورگانى دەپۋتاتتارىنىڭ الدىندا انت بەردٸ.
تەگەراندا بولعان كەزدە يران مەجٸلٸسٸنٸڭ تٶراعاسى مۋحامماد گاليبافپەن كەزدەسۋ بولدى, ونىڭ اياسىندا تاراپتار قازاقستان-يران قاتىناستارىنىڭ جاي-كٷيٸ مەن كەلەشەگٸن, سونداي-اق ٶزارا مٷددەلٸلٸك تۇرعىسىندا حالىقارالىق كٷن تەرتٸبٸنٸڭ مەسەلەلەرٸن تالقىلادى.
يران يسلام رەسپۋبليكاسى مەجٸلٸسٸندەگٸ «يران-قازاقستان» دوستىق توبىنىڭ جەتەكشٸسٸ گولام نۋريمەن كەلٸسسٶز جٷرگٸزٸلٸپ, ەكٸجاقتى سيپاتتاعى جەنە حالىقارالىق ۇيىمدار اياسىنداعى پارلامەنتارالىق ىنتىماقتاستىق مەسەلەلەرٸ تالقىلاندى.
سەنات تٶراعاسىنىڭ ورىنباسارى يران يسلام رەسپۋبليكاسىنىڭ ماقساتتى بەلگٸلەۋ جٶنٸندەگٸ كەڭەسٸنٸڭ حاتشىسى موحسەن رەزايمەن كەزدەستٸ, قر پارلامەنتٸ قىزمەتٸنٸڭ نەگٸزگٸ باعىتتارى, سونداي-اق قازٸرگٸ ۋاقىتتا قازاقستاندا جٷرگٸزٸلٸپ جاتقان ٶزگەرٸستەر تۋرالى حاباردار ەتٸلدٸ.
ماقساتتى بەلگٸلەۋ جٶنٸندەگٸ كەڭەس – يراننىڭ جوعارعى كٶشباسشىسى جانىنداعى بيلٸكتٸڭ بارلىق تارماقتارىن قاداعالايتىن ٶكٸلەتتٸكتەرگە يە ەكٸمشٸلٸك قۇرىلىم بولىپ تابىلادى.
كەڭەس قۇرامىنا يراننىڭ بۇرىنعى پرەزيدەنتتەرٸ مەن كٶرنەكتٸ قايراتكەرلەرٸ كٸرەدٸ.
اسقار شەكٸروۆ يناۋگۋراتسييالىق شارالار اياسىندا وعان قاتىسقان شەتەل دەلەگاتسييا باسشىلارىمەن جۇمىس بابىنداعى بٸرقاتار كەزدەسۋلەر ٶتكٸزدٸ.
يبراحيم رايسي يراندا 18 ماۋسىمدا ٶتكەن پرەزيدەنتتٸك سايلاۋدا جالپى داۋىس سانىنىڭ 61,95%-ىن جيناپ, جەڭٸسكە جەتكەن بولاتىن.
