Jambyl oblysynyń ákimi Asqar Myrzahmetov Taraz qalasyndaǵy N.Tilendiev atyndaǵy mektep-internatynyń tárbielenýshilerimen kezdesti, - dep habarlaidy «Ult aqparat».
Asqar Myrzahmetov aldymen mektep-internat ǵimaratyn aralap, jai-kúiimen tanysty. Mekeme direktory Elmira Jaqsylyqova bilim ordasynda búginde 390 bala tárbielenip jatqanyn jetkizip, olardyń qatarynda jartylai jetim, kópbalaly jáne turmysy tómen otbasylardyń balalary bar ekendigin aitty. Olarǵa barlyǵy 86 pedagog, tárbieleýshi bilim berýde.
Óńir basshysy mekeme aýlasyndaǵy jaiaý júrginshiler joly, jataqhanadaǵy tósek oryndaryn jańalaý, ǵimarat ishindegi jaryqtandyrýdy arttyrý máselelerine nazar aýdaryp, qural-jabdyqtardyń jetkilikti, ashananyn talapqa sai bolýyna barynsha kóńil bóldi. Sonymen qatar, mundai áleýmettik nysandardaǵy túiindi túitkilderdi sheshý, ondaǵy tárbilenýshiler men qyzmet alýshylarǵa barlyq qolaily jaǵdai jasaý - qashanda basty nazarda bolý kerektigin basa aitty.
Budan soń tárbielenýshiler kezdesken aimaq basshysy balalardyń túrli suraqtaryna jaýap berip, óziniń oqýshy kezdegi qyzyqtarymen bólisti.
Oblys ákimi tárbilenýshilerdi erkin áńgimege tartyp, olardyń arman-tilekterińe qulaq túrdi. Óz kezeginde oqýshylardyń biri oqý qural-jabdyqtaryn, ónerge qyzyǵatyndary saz aspaptarynyń jetkiliksizdigin, endi biri interaktivti taqtanyń sanyn arttyrý kerektigin aityp, ótinish bildirdi.
Asqar Myrzahmetov olardyń ótinishterine bei-jai qaramai, qajettilikterin alyp berýge ýáde berdi. Júzdesý estelik sýretke túsýmen aiaqtaldy.
Aita keteiik, buǵan deiin atalmysh mektep-internattyń tárbielenýshileri oblys basshysymen kezdeskileri keletinderin aityp video joldaǵan. Ákim balalarmen ýaqyt taýyp, júzdesýge ýáde bergen edi. Aimaq basshysy ýádesinde turyp, kezdesýge bardy.
