Jambyl oblysynda 442 mektep bar, onyń 260-da dárethana ǵimarat syrtynda ornalasqan. Bul týraly Ortalyq kommýnikatsiialar qyzmetinde ótken brifingte Jambyl oblysynyń ákimi Asqar Myrzahmetov aitty, dep habarlaidy "Ult aqparat".
«Ókinishke qarai, bizde mektepter ishindegi dárethanalar ótkendegi oqiǵadan soń paida bolýda. Biz buǵan deiin ákimdik tarapynan atalǵan problemanyń qalai sheshiletini týraly aitqan bolatynbyz. Jalpy mektepterdegi dárethanaǵa qatysty taldaý ol oqiǵa oryn almai turyp bastalǵan», - deidi Asqar Myrzahmetov.
Onyń aitýynsha, oblysta 442 mektep bar, onyń 260-da dárethana ǵimarat syrtynda ornalasqan.
«Mektepterdiń syrtynda ornalasqan dárethanalar máselesin qarastyra kele, 108 mektepke ájethanany ishke ornalastyrýǵa bolatyndyǵy anyqtaldy. Ájethanany mektep ishine kirgizýde káriz, sý jetkizý máselesimen qatar kommýnikatsiia máselesi bar. Jospar boiynsha kelesi jyldan bastap mektep ájethanalaryn ishke oranalastyrý múmkindikterin qarastyramyz», - deidi ol.
Eske sala ketsek, Tarazdaǵy mektepterdiń birinde daladaǵy dárethanaǵa suranyp shyqqan oqýshy qyzǵa 38 jastaǵy er adam seksýaldyq zorlyq-zombylyq kórsetti. 15 qarashada kúdikti qolǵa tústi.
Osy oqiǵadan keiin Jambyl oblysyndaǵy barlyq bilim ordalaryndaǵy qaýipsizdik sharalary kúsheitildi. Al, zardap shekken oqýshy aýrýhanaǵa jatqyzyldy.
