جامبىل وبلىسىندا 442 مەكتەپ بار, ونىڭ 260-دا دەرەتحانا عيمارات سىرتىندا ورنالاسقان. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە جامبىل وبلىسىنىڭ ەكٸمٸ اسقار مىرزاحمەتوۆ ايتتى, دەپ حابارلايدى "ۇلت اقپارات".
«ٶكٸنٸشكە قاراي, بٸزدە مەكتەپتەر ٸشٸندەگٸ دەرەتحانالار ٶتكەندەگٸ وقيعادان سوڭ پايدا بولۋدا. بٸز بۇعان دەيٸن ەكٸمدٸك تاراپىنان اتالعان پروبلەمانىڭ قالاي شەشٸلەتٸنٸ تۋرالى ايتقان بولاتىنبىز. جالپى مەكتەپتەردەگٸ دەرەتحاناعا قاتىستى تالداۋ ول وقيعا ورىن الماي تۇرىپ باستالعان», - دەيدٸ اسقار مىرزاحمەتوۆ.
ونىڭ ايتۋىنشا, وبلىستا 442 مەكتەپ بار, ونىڭ 260-دا دەرەتحانا عيمارات سىرتىندا ورنالاسقان.
«مەكتەپتەردٸڭ سىرتىندا ورنالاسقان دەرەتحانالار مەسەلەسٸن قاراستىرا كەلە, 108 مەكتەپكە ەجەتحانانى ٸشكە ورنالاستىرۋعا بولاتىندىعى انىقتالدى. ەجەتحانانى مەكتەپ ٸشٸنە كٸرگٸزۋدە كەرٸز, سۋ جەتكٸزۋ مەسەلەسٸمەن قاتار كوممۋنيكاتسييا مەسەلەسٸ بار. جوسپار بويىنشا كەلەسٸ جىلدان باستاپ مەكتەپ ەجەتحانالارىن ٸشكە ورانالاستىرۋ مٷمكٸندٸكتەرٸن قاراستىرامىز», - دەيدٸ ول.
ەسكە سالا كەتسەك, تارازداعى مەكتەپتەردٸڭ بٸرٸندە دالاداعى دەرەتحاناعا سۇرانىپ شىققان وقۋشى قىزعا 38 جاستاعى ەر ادام سەكسۋالدىق زورلىق-زومبىلىق كٶرسەتتٸ. 15 قاراشادا كٷدٸكتٸ قولعا تٷستٸ.
وسى وقيعادان كەيٸن جامبىل وبلىسىنداعى بارلىق بٸلٸم وردالارىنداعى قاۋٸپسٸزدٸك شارالارى كٷشەيتٸلدٸ. ال, زارداپ شەككەن وقۋشى اۋرۋحاناعا جاتقىزىلدى.
