QR Premer-Ministri Asqar Maminniń tóraǵalyǵymen Qazaqstan Respýblikasy Prezidentiniń janyndaǵy «Jasyl ekonomikaǵa» kóshý jónindegi keńestiń otyrysy ótti.
Bul týraly Úkimettiń resmi saity habarlady.
Eń ozyq qoljetimdi tehnologiialar qaǵidattaryna kóshý týraly ekologiia, geologiia jáne tabiǵi resýrstar ministri Maǵzum Myrzaǵaliev, «Jasyl kópir» seriktestik baǵdarlamasyn odan ári damytý jónindegi usynystar týraly «Qazaqstannyń ekologiialyq uiymdarynyń qaýymdastyǵy» ZTB tóraiymy Áliia Nazarbaeva, QR-nyń 2013-2020 jyldarǵa arnalǵan «Jasyl ekonomikaǵa» kóshý jónindegi tujyrymdamasynyń is-sharalar josparyn júzege asyrý týraly indýstriia jáne infraqurylymdyq damý ministri Beibit Atamqulov, óńirlerde ekologiialyq ahýaldy jaqsartý jáne «jasyl ekonomikany» damytý sharalary týraly Jambyl oblysynyń ákimi Berdibek Saparbaev pen Batys Qazaqstan oblysynyń ákimi Ǵali Esqaliev baiandady.
QR jańa Ekologiialyq kodeksi Eýropalyq odaq elderiniń tájiribesi boiynsha eń ozyq qoljetimdi tehnologiialar (OQT) kórsetkishterin paidalaný arqyly kásiporyndardy óndiristi jańǵyrtýǵa yntalandyrýdy kózdeidi.
Máselen, EO elderinde OQT kóshýdiń arqasynda lastaýshy zattardyń shyǵaryndylary aitarlyqtai tómendedi: kúkirt dioksidi boiynsha 94%-ǵa, azot totyǵy boiynsha 69%-ǵa, qatty bólshekter boiynsha 94%-ǵa azaidy. Ekologiialyq retteýdiń jańa tásilderin iske asyrý aiasynda OQT boiynsha anyqtamalyqtar ázirlenýde. Biyl Halyqaralyq jasyl tehnologiialar jáne investitsiialyq jobalar ortalyǵy Energiia tiimdiligi boiynsha anyqtamalyq jasaý jumysyn bastady.
2021-2023 jyldary «Munai men gazdy qaita óńdeý», «Energiia óndirý maqsatynda iri qondyrǵylarda otyn jaǵý», «Beiorganikalyq himiialyq zattar óndirisi», «Tsement jáne ák óndirisi», «Munai men gaz óndirý», «Qara metaldar óndirisi», «Tústi metaldar óndirisi», «Baǵaly metaldar óndirisi» anyqtamalyqtary ázirlenedi. OQT boiynsha anyqtamalar men tiisti tujyrymdar QR Úkimetiniń qaýlysymen bekitiledi. 2023-2025 jyldary keshendi ekologiialyq ruqsat berý úshin daiyndyq jumystary júrgiziledi.
2025 jylǵa qarai lastanýdyń 80%-y tiesili munai-gaz, taý-ken metallýrgiiasy, himiia jáne elektr energetikasy salalarynyń 50 iri kásipornynyń eń ozyq qoljetimdi tehnologiialaryna kóshý úshin jaǵdai jasalady. Keńes sý resýrstaryn paidalaný, qaldyqtardy basqarý, Tómen kómirtekti damý strategiiasyn ázirleý, sondai-aq barlyq óńirlerde ekologiialyq jaǵdaidy jaqsartý jáne «jasyl ekonomikany» damytý jónindegi sharalardy qarastyrýdy kózdeitin 2021 jylǵa arnalǵan jumys josparyn bekitti.
