Taý-ken sektory ulttyq ekonomikanyń báseńdeýine sebep boldy. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Qańtar da ekonomikanyń bazalyq salalarynyń kórsetkishteri jaqsarýda. Alaida karantindik shekteý sharalardyń bolýy jáne olardyń kúsheitilýi qyzmet kórsetý men kólik salalaryna áser etýde. Óńdeý ónerkásibniń ornytqy ósý serpini baiqalady. Jyl basynan beri ósý qarqyny 3 paiyz boldy»,- dedi Asqar Mamin.
Úkimet basshysynyń atap ótýinshe, ósýdiń basty qozǵaltqysh kúshteri – metallýrgiia óndirisi - 3,1 paiyz, onyń ishinde tústi metall óndirisi - 6,6, mashina jasaý – 16,2, onyń ishinde avtomobil jasaý – 21,2, himiia ónerkásibi – 12,8, qurylys materialdary – 11,8, farmatsevtika 4 paiyz artty. Qurylys kólemi 7 paiyzǵa artyp, turǵyn úidi paidalanýǵa berý 9,4 paiyzǵa nemese shamamen 801 myń sharshy metrge jetti. Aýyl sharýashylyǵynda óndiris kólemi 2,5 paiyz ósti.
«Taý-ken sektory - ulttyq ekonomikanyń báseńdeýine sebep boldy. Taý-ken sektoryndaǵy shekteýli serpin Qazaqstannyń OPEK+ kelisimder aiasynda munai óndirýdi qysqartý boiynsha mindettemelerdi oryndaýynyń qajettiginen oryn aldy. Sondyqtan, munai sektorynyń naqty kóleminiń indeksi 12,3 paiyzǵa tómendedi. Sonymen birge kómir óndirisinde joǵary ósý qarqyny baiqalyp otyr», - dedi ol.
Premer-Ministrdiń aitýynsha, taý-ken óndirýdi eseptemegende negizgi kapitalǵa investitsiialardyń ósýi 25,5 paiyzdy qurady. Qyzmet kórsetý sektorynda aqparat pen bailanys salasynda ósýdiń joǵary qarqyny baiqaldy.
«Ekonomikanyń turaqtylyǵy jumyssyzdyq deńgeiin 5 paiyz deiingi diapazonda ustap turýǵa jáne halyqtyń naqty tabysynyń aitarlyqtai tómendeýine jol bermeýge múmkindik berdi», - dedi Asqar Mamin.
