Óńir ákimderi sý qoimalary tolýyna únemi baqylaý jasap otyrýy tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Sý tasqynynyń aldyn alý úshin júieli sharalar qabyldaý qajet. Osyǵan bailanysty, Ekologiia ministrligine óńirlerdiń ákimderimen birlesip, bir ai ishinde gidrotehnikalyq qurylystardy jóndeý merzimin anyqtaýdy tapsyramyn. Sondai-aq sý qoimalaryn toltyrýdyń qaýipsiz kólemin anyqtap, olardyń tolýyna únemi baqylaýdy qamtamasyz etsin», - dedi Asqar Mamin.
Úkimet basshysy Aqtóbe, Qaraǵandy, Pavlodar jáne Soltústik Qazaqstan oblystarynyń ákimdikterine qaraýsyz jatqan gidrotehnikalyq qurylystar boiynsha menshik quqyǵyn berý máselesin zańnamaǵa sáikes aiaqtaýdy tapsyrdy.
«Indýstriia ministrligi men ákimdikter avtojoldardy sý basýǵa jol bermesin, kópirler men sý ótkizý qurylystaryn ýaqytynda daiyndasyn. Ákimder qar shyǵarý, aryqtardy, sý kárizin tazartý, ýaqytsha úiindiler men bógetter turǵyzý jumystaryn ýaqtyly júrgizýdi qamtamasyz etýi qajet», - dedi Premer-Ministr.
