QR Premer-Ministri Asqar Mamin jumys saparymen Shymkent qalasyna baryp, onda QR Tuńǵysh Prezidenti Nursultan Nazarbaevtyń megapolisti damytý boiynsha qoiǵan startegiialyq mindetterdiń oryndalý barysymen jáne Memleket basshysy Qasym-Jomart Toqaevtyń sailaýaldy baǵdarlamasynyń iske asyrylýymen tanysty.
Atap aitqanda, Asqar Mamin metallýrgiia, farmatsevtika, tamaq ónerkásibi, kólik infraqurylymyn damytý salalaryndaǵy investitsiialyq jobalardyń iske asyrylý barysyn tekserdi.
Kelgen bette Asqar Mamin Shymkent qalasyndaǵy áýejaidyń jańa terminalynyń jobasymen tanysty. Qurylys jumystary a.j. shilde aiynda bastalǵan, 2020 jyly mamyr aiynda aiaqtalady. Qala ákimdiginiń málimetterinshe, syiymdylyǵy saǵatyna 400 jolaýshy bolatyn terminaldy paidalanýǵa berý jolaýshylar aǵymyn 10 ese arttyrady.
QR Úkimetiniń basshysy «Himfarm» zaýytyna baryp, onda otandyq farmatsevtikalyq indýstriianyń damý qarqynyn tekserdi. Kásiporynda dári-dármekterdiń 71 túri óndiriledi, bul kepildendirilgen tegin meditsinalyq kómek kóleminiń aiasynda satyp alynatyn dári-dármekterdiń jalpy kóleminiń úshten bir bóliginen astamyn quraidy.
Kásiporyndy aralaý aiasynda Qazaqstan Premer-Ministri inektsiialyq preparattar men infýziialyq eritindilerdi óndirý boiynsha tsehtyń jaraqtandyrylýyn kórdi, sondai-aq «Modeldik tsifrlyq fabrikalar» jobasynyń aiasynda iske qosylǵan Tsifrlyq injenerlik jáne bilim berý ortalyǵynyń jumysyn baǵalady. Qazirgi kezde halyqaralyq standarttarǵa sáikes jumys istep turǵan farmatsevtikalyq óndiristerdi jańǵyrtý boiynsha $108 mln somasyna asa iri investitsiialyq joba iske asyrylýda.
Shymkent qalasy Qazaqstannyń iri ónerkásiptik ortalyqtarynyń biri. Óńirde ónerkásiptik óndiris kólemin arttyrý boiynsha júrgizilip jatqan jumystarmen tanysý maqsatynda Asqar Mamin indýstriialyq-innovtsiialyq damý memlekettik baǵdarlamasy aiasynda iske qosylǵan «Ońtústik» indýstriialyq aimaǵy aýmaǵyndaǵy «Shymkent Temir» eksportqa baǵyttalǵan kásiporynǵa bardy. Metallýrgiia zaýytynyń jobalyq qýattylyǵy - jylyna 250 myń tonna bolat daiyndama.
Osy jerde QR Premer-Ministrine Túrkistan oblysyndaǵy qýattylyǵy jylyna 1 mln tonna temir bolatyn taý-ken-metallýrgiia kesheni qurylysynyń jobasy tanystyryldy. Atap aitqanda, tikelei qalpyna keltiriletin temir óndiretin zaýyt pen ken baiytý fabrikasynyń qurylysy kózdelgen.
Óńir ekonomikasyn damytýda «qarapaiym zattar ekonomikasyna» erekshe ról berilgen. QR Úkimetiniń basshysy «Rahat-Shymkent» JShS-yna baryp, tamaq ónimderiniń óndiris protsesin kórdi.
Zamanaýi jabdyqtarmen jaraqtalǵan fabrika jylyna 24 myń tonnaǵa deiin 30 ataý boiynsha 4 túrli konditerlik ónimder shyǵarady. QR Premer-Ministri Asqar Maminge 2020 jyly marmelad pen qantty pechene shyǵaratyn jańa jelini iske qosý boiynsha investitsiialyq jobany júzege asyrý josparlanyp otyrǵany týraly baiandaldy.
Aralaý qorytyndysy boiynsha QR Úkimetiniń basshysy qala ákimine Shymkent q. damýynyń 2023 jylǵa deiingi Keshendi josparyn tiimdi oryndaýdy qamtamasyz etý boiynsha barlyq qajeti sharalardy qabyldaýdy tapsyrdy. Investitsiialyq jobalardy iske asyrý, shyǵarylatyn ónim nomenklatýrasyn keńeitý jáne óndiris kólemin ulǵaitý boiynsha biznes-qaýymdastyqpen jumysty jandandyrý tapsyryldy. Bul óńirdiń JÓÓ kólemin 2018 jylǵy 2 trl-nan 2023 jylǵa qarai 3,5 trln-ǵa deiin arttyrýǵa múmkindik beredi.
