QR Premer-Ministri Asqar Mamin Shymkent pen Túrkistandy damytý jobalaryn tekserdi. Bul týraly Úkimettiń baspasóz qyzmeti habarlady.
QR Premer-Ministri Asqar Mamin jumys sapary aiasynda Shymkent pen Túrkistan qalalarynyń kólik, turǵyn úi jáne áleýmettik-mádeni infraqurylymy obektileriniń qurylys barysyn, sondai-aq óńirdiń ónerkásiptik jáne sý-energetikalyq áleýetiniń damýyn tekserdi.
Shymkentte Úkimet basshysyna ótkizý qabileti saǵatyna 2000 jolaýshyny quraityn halyqaralyq áýejaidyń jańa jolaýshylar terminalynyń qurylysy týraly baiandaldy. Ony biyl qazan aiynda iske qosý kózdelgen.
A. Mamin biyl paidalanýǵa berý josparlanǵan D. Qonaev dańǵyly men T. Rysqulov kóshesiniń qiylysyndaǵy kólik jolaiyryǵynyń qurylysyn tekserdi. Sonymen qatar Úkimet basshysy sorǵy qondyrǵylaryn, qubyr armatýrasyn jáne elektr jabdyǵyn shyǵaratyn «Karlskrona LC AB» JShS-ǵa bardy. Kásiporynnyń qýattylyǵy 2,5 myńnan 10 myńǵa deiin sý sorǵysyn, sondai-aq 7 myń tonna quima men standartty emes jabdyqtardy quraidy.
Premer-Ministr «Shymkent Siti» shaǵyn aýdanynyń qurylys barysymen tanysty, onda investorlar «Shymkent» áleýmettik-kásipkerlik korporatsiiasymen birlesip, turǵyn úi qurylysy (532 myń sharshy metr turǵyn úi) jáne bilim berý (3800 oryndyq 2 mektep) salalaryndaǵy 9 jobany iske asyrýǵa 199 mlrd teńge baǵyttaidy.
Biylǵy qańtar aiynda Shymkent qalasynda ónerkásip ónimin óndirý kólemi 2020 jyldyń tiisti kezeńine qaraǵanda 9,6%-ǵa ulǵaiyp, 54,4 mlrd teńgeni qurady. Óńdeý ónerkásibinde turaqty dinamika baiqalyp otyr, ol jyl basynan beri 10,6%-ǵa ósti. Farmatsevtika (+54,6%), koks jáne munai ónimderin óndirý (+12,6%), ózge de metall emes ónimder (+12,2%), azyq-túlik ónimderin shyǵarý (+7,2%) ósimniń negizgi qozǵaltqyshtaryna ainaldy. Qurylys kólemi 27,5%-ǵa – 1,5 mlrd teńgege deiin ulǵaidy, 32,6 myń sharshy metr turǵyn úi paidalanýǵa berildi, bul 2020 jylǵy sáikes kórsetkishten 2,8 ese artyq. Aýyl sharýashylyǵyndaǵy óndiris kóleminiń ósýi 2,1 mlrd teńgege jetip, 8,8%-dy qurady.
Negizgi kapitalǵa salynǵan investitsiialar 12,8 mlrd teńgege deiin ósti, bul 2020 jylǵy qańtardaǵy kórsetkishten 2,7 ese kóp. 2021-2025 jyldary Shymkent qalasynda 11 500 jańa jumys ornyn qura otyryp, 1,36 trln teńge somasyna 123 investitsiialyq jobadan turatyn pýl quryldy. Biyl 2300 jumys ornyn ashýmen 129,2 mlrd teńgege 61 jobany iske asyrý josparlanýda.
Premer-Ministr Túrkistan oblysyndaǵy sýarmaly sý tapshylyǵyn joiý jáne sýarmaly jerlerdiń tiimdiligin arttyrý jónindegi jumystardyń barysyn – Túrkistan magistraldyq arnasyn kúrdeli jóndeý jáne ony Syrdariia ózeninen toltyrý úshin mashina arnasyn salý, «Qosqorǵan» jáne «Keńsai – Qosqorǵan-2» sý qoimasyn salý, Jetikól kól júiesin qaita jóndeý jónindegi jobalar jumysynyń barysyn tekserdi. Osy jobalardy iske asyrý sý paidalanýdyń jyl saiynǵy kólemin 195,4 mln tekshe metrge arttyrýǵa jáne AÓK óndiretin ónim kólemin 14 mlrd teńgege ulǵaitýǵa múmkindik beredi.
Túrkistan qalasynda Úkimet basshysy áýejai aýmaǵynyń abattandyrylýymen, turǵyn úi infraqurylymynyń qurylysymen jáne qalanyń iskerlik ortalyǵynyń damýymen, sondai-aq investitsiialyq jobalardyń — «Kerýen-sarai» kópfýnktsionaldy týristik kesheniniń, oblystyq ǵylymi-ámbebap kitaphananyń, Tuńǵysh Prezident saiabaǵynyń, «Uly dala eli» ortalyǵynyń jáne B. Sattarhanov dańǵylyndaǵy jelilik saiabaqtyń iske asyrylýymen tanysty.
