QR Premer-Ministri Asqar Mamin Almaty qalasyna Eýraziialyq úkimetaralyq keńes (EÚAK) otyrysyna jáne «Digital Almaty» forýmyna qatysý úshin kelgen RF Úkimetiniń tóraǵasy M. Mishýstinmen kezdesý ótkizdi, – dep habarlaidy QR Úkimetiniń baspasóz qyzmeti.
«Biz QR Tuńǵysh Prezidenti Nursultan Ábishuly Nazarbaev pen Vladimir Vladimirovich Pýtin negizin qalaǵan eki el arasyndaǵy qarym-qatynastardyń strategiialyq baǵytyn iske asyrý maqsatynda reseilik áriptesterimizben odan ári jumys isteýge niettimiz. Bizdiń Prezident Qasym-Jomart Kemeluly Toqaev sabaqtastyqty óz qyzmetiniń negizgi printsipi retinde naqtylady», - dedi A. Mamin.
Resei – Qazaqstannyń basty saýda seriktesi. 2019 jyldyń 11 aiynda ekijaqty taýar ainalamy $17,2 mlrd qurady. QR-da reseilik kapitaldyń qatysýymen 10 myńnan asa kásiporyn jumys isteidi, bul sheteldik kapitaly bar kásiporyndardyń jalpy sanynyń 37,4%-yn quraidy.
«Saýda-ekonomikalyq ózara is-qimyldyń joǵary oń dinamikasyn qoldaý úshin jetkiziletin taýarlar men qyzmetterdiń nomenklatýrasyn keńeitý, bizdiń iskerlik ortalarymyzdyń arasynda tikelei bailanystar ornatý, sondai-aq taýarlardy úshinshi elderdiń naryqtarynda ilgeriletý boiynsha birlesken jumystardy jalǵastyrý qajet. Bul mańyzdy jumys Eýraziialyq ekonomikalyq komissiia alańynda da júrgizilýde», - dedi A. Mamin.
Qazaqstandyq biznestiń «KAMAZ» jáne «Peterbýrg traktor zaýyty» tárizdi reseilik iri kompaniialarmen birlesken jobalary belsene damýda.
Atap aitqanda, júk avtomobilderiniń negizgi bilikteriniń basty berilisteriniń redýktorlaryn (2021 j. 4 toqsanynda paidalanýǵa berý), KAMAZ, avtomobilderiniń shassii bazasynda arnaiy tehnika óndiretin zaýyt ashý, bólshekter shyǵaratyn quiý zaýytyn ashý josparlanǵan. Sonymen birge, Qazaqstanda avtomobilderdiń jańa úlgilerin testileý úshin synaq poligony bar injiniring jáne zertteý ortalyǵyn qurý kózdelgen. 2019 jyly shildede «Peterbýrg traktor zaýytymen» birlesip «Kirovets» traktorlarynyń alǵashqy testilik partiiasyn qurastyrý júzege asyryldy.
«Úkimet basshysy retinde alǵashqy saparlarymyzdy Qazaqstannan bastaitynymyz mańyzdy. Bizdi burynnan kele jatqan dostyq jáne áriptestik qarym-qatynastar bailanystyrady. Saýda-ekonomikalyq, investitsiialyq yntymaqtastyq qarqyndy túrde damýda, aimyqtyq bailanystar nyǵaiýda», - dedi M. Mishýstin.
Kezdesý barysynda ónerkásip, energetika, áskeri tehnika, ǵarysh, sý jáne tabiǵatty qorǵaý salalaryndaǵy ekijaqty yntymaqtastyqty odan ári damytý, sondai-aq EAEO men basqa da integratsiialyq birlestikter aiasyndaǵy ózara is-qimyl máseleleri talqylandy. A. Mamin men M. Mishýstin biyl qarasha aiynda Kókshetaý qalasynda ótetin «Ekologiialyq yntymaqtastyq» taqyrybyndaǵy XVII aimaqaralyq yntymaqtastyq forýmyna sapaly ázirlenýdiń mańyzdylyǵyna basa nazar aýdardy. Byltyr Omby qalasynda ótken forýmda qol qoiylǵan Qazaqstan – Resei shekarasyndaǵy ótkizý pýnktteriniń jumysy boiynsha Birlesken is-qimyl baǵdarlamasyn iske asyrý boiynsha jumystardy jandandyrý qajettigi atap ótildi.
