Qazaqstan Respýblikasynyń Premer-Ministri Asqar Mamin Resei Federatsiiasy Úkimetiniń Tóraǵasy Mihail Mishýstinmen telefon arqyly sóilesti. Bul týraly Úkimettiń baspasóz qyzmeti habarlady.
Taraptar saýda-ekonomikalyq, aýyl sharýashylyǵy, tranzittik-kólik, ǵarysh salalaryndaǵy ekijaqty yntymaqtastyqtyń ózekti máselelerin, ónerkásiptik kooperatsiiany damytýdy jáne EAEO sheńberindegi ózara is-qimyldy talqylady.
COVID-19 taralýyna jol bermeý jónindegi birlesken sharalarǵa, sondai-aq Qazaqstan-Resei shekarasyndaǵy ótkizý pýnktteriniń jumysy jónindegi Birlesken is-qimyl baǵdarlamasyn iske asyrý máselelerine erekshe nazar aýdaryldy.
