QR Premer-Ministri Asqar Mamin Máskeý qalasyna jumys sapary aiasynda RF Úkimetiniń Tóraǵasy Mihail Mishýstinmen kelissóz júrgizdi, dep habarlaidy "Ult aqparat" Úkimettiń baspasóz qyzmetine silteme jasap.
Taraptar saýda-ekonomikalyq, qarjy-investitsiialyq, energetika salalaryndaǵy, sondai-aq ónerkásiptik kooperatsiiadaǵy ekijaqty yntymaqtastyqty odan ári arttyrý máselesin talqylady.
Eýraziialyq ekonomikalyq odaq formatyndaǵy ózara is-qimyldyń ózekti máseleleri qaraldy. COVID-19 indetiniń taralýyna qarsy kúres jáne eki eldiń ekonomikasy úshin pandemiianyń saldaryn joiý jónindegi birlesken sharalarǵa erekshe kóńil bólindi.
Sonymen qatar Máskeý qalasyna sapar barysynda QR Premer-Ministri A. Maminniń Reseidiń ortalyq memlekettik organdarynyń, memlekettik korporatsiialary men qarjy-bank qurylymdarynyń basshylyǵymen kezdesýleri josparlanǵan.
