Qazaqstan premer-ministri Asqar Mamin Nur-Sultan qalasyndaǵy "Astana" kontsert zalynda ashylǵan №138 sailaý ýchaskesinde daýys berdi, dep habarlaidy Úkimet basshysynyń baspasóz qyzmeti.
Mamin alǵashqylardyń biri bolyp óziniń azamattyq mindetin oryndaýǵa keldi.
Aita ketsek, № 138 sailaý ýchaskesinde 2 999 sailaýshy tirkelgen.
Sailaý ýchaskeleri saǵat 07:00-de ashyldy, daýys berý jergilikti ýaqytpen 20:00-ge deiin jalǵasady. Respýblika boiynsha 10 myńǵa jýyq sailaý ýchaskesi jumysyn bastady.
Ýaqyt beldeýine bailanysty Qazaqstannyń bes óńirinde – Aqtóbe, Atyraý, Batys Qazaqstan, Mańǵystaý jáne Qyzylorda oblystarynda sailaý ýchaskeleri elorda ýaqytymen 08:00-de ashyldy.
10.00-degi jaǵdai boiynsha Qazaqstanda sailaýshylardyń 12,8%-i prezident sailaýynda óz tańdaýyn jasap úlgergen.
