Úkimet basshysy Asqar Mamin QR Eńbek jáne halyqty áleýmettik qorǵaý ministrliginiń ujymyna vedomstvonyń jańa basshysy Birjan Nurymbetovti tanystyrdy. Bul týraly "Ult aqparat" primeminister.kz saityna silteme jasap habarlaidy.
QR Úkimetiniń basshysy Berdibek Saparbaevqa qazaqstandyqtardyń áleýmettik ál-aýqatyn jaqsartýǵa qosqan úlesi úshin alǵys bildirdi. Onyń basshylyǵymen Eńbek jáne halyqty áleýmettik qorǵaý ministrligi QR Tuńǵysh Prezidenti - Elbasy Nursultan Nazarbaevtyń jáne Memleket basshysy Qasym-Jomart Toqaevtyń áleýmettik salany jańǵyrtý boiynsha qoiǵan mindetterin sheshýge qatysty júieli jumysty uiymdastyrdy.
Jańa ministrdi tanystyrý kezinde Asqar Mamin Birjan Nurymbetovtiń áleýmettik saladaǵy 20 jyldyq jumys tájiribesin atap ótti. Túrli jyldary ol eńbek jáne halyqty áleýmettik qorǵaý vitse-ministri bolyp jumys istedi, QR Premer-Ministriniń Keńsesi Basshysynyń orynbasary laýazymynda boldy. 2017 jyldan bastap QR Kásipodaqtar federatsiiasy tóraǵasynyń birinshi orynbasary qyzmetin atqardy.
Buǵan deiin Eńbek jáne halyqty áleýmettik qorǵaý ministri Berdibek Saparbaev qyzmetinen bosatylyp, QR Premer-Ministriniń orynbasary laýazymyna taǵaiyndalǵanyn habarlaǵan bolatynbyz.
Prezident Jarlyǵymen ministrliktiń jańa basshysy bolyp Birjan Nurymbetov taǵaiyndaldy.
