Aqpan aiynda qańtarmen salystyrǵanda ekonomikanyń ósý qarqyny baiqalady. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Aqpan aiynda qańtarmen salystyrǵanda ekonomikanyń ósý qarqynyn baiqap otyrmyz. Negizgi kórsetkishterdiń kóbi jaqsaryp keledi. Qazirgi kezde ekonomikanyń naqty sektorynda ornyqty oń dinamika baiqalady. Ekonomikany damytýdyń negizgi draiverleri: óńdeý ónerkásibi, qurylys, onyń ishinde turǵyn úilerdi paidalanýǵa berý, aýyl sharýashylyǵy. Olar jyl basynan beri turaqty ósip keledi. Qyzmet kórsetý sektory birtindep qalpyna kelýde», - dedi Asqar Mamin.
Úkimet basshysynyń dereginshe, oń dinamika tamaq óndirisinde; jeńil ónerkásipte, kiim óndirisinde, bylǵary ónimder; himiia ónerkásibinde; metallýrgiiada , onyń ishinde tústi metaldar óndirisinde; mashina jasaýda, onyń ishinde avtomobil jasaýda; farmatsevtikada baiqalyp otyr.
«2021 jylǵy 4 naýryzda OPEK+ monitoring komitetiniń otyrysy ótti. Onda Qazaqstan úshin munai óndirýdiń táýliktegi kólemin 20 myń barrelge deiin ulǵaitýdy kózdeitin jeke sharttar kelisildi. Bul sharalar taý-ken óndirisinde ósý qarqynyn qalypty ulǵaitýǵa múmkindik beredi. Kómir ónerkásibinde 4,5 paiyz dengeiinde ósim baiqalady. Qyzmet kórsetý sektorynda aqparat pen bailanys salasynyń ósý qarqyny joǵary. Negizgi kapitalǵa investitsiialar ósimi taý-ken óndirisin qospaǵanda +13,3 paiyzdy qurady», - dedi Premer-Ministr.
