اقپان ايىندا قاڭتارمەن سالىستىرعاندا ەكونوميكانىڭ ٶسۋ قارقىنى بايقالادى. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«اقپان ايىندا قاڭتارمەن سالىستىرعاندا ەكونوميكانىڭ ٶسۋ قارقىنىن بايقاپ وتىرمىز. نەگٸزگٸ كٶرسەتكٸشتەردٸڭ كٶبٸ جاقسارىپ كەلەدٸ. قازٸرگٸ كەزدە ەكونوميكانىڭ ناقتى سەكتورىندا ورنىقتى وڭ ديناميكا بايقالادى. ەكونوميكانى دامىتۋدىڭ نەگٸزگٸ درايۆەرلەرٸ: ٶڭدەۋ ٶنەركەسٸبٸ, قۇرىلىس, ونىڭ ٸشٸندە تۇرعىن ٷيلەردٸ پايدالانۋعا بەرۋ, اۋىل شارۋاشىلىعى. ولار جىل باسىنان بەرٸ تۇراقتى ٶسٸپ كەلەدٸ. قىزمەت كٶرسەتۋ سەكتورى بٸرتٸندەپ قالپىنا كەلۋدە», - دەدٸ اسقار مامين.
ٷكٸمەت باسشىسىنىڭ دەرەگٸنشە, وڭ ديناميكا تاماق ٶندٸرٸسٸندە; جەڭٸل ٶنەركەسٸپتە, كيٸم ٶندٸرٸسٸندە, بىلعارى ٶنٸمدەر; حيمييا ٶنەركەسٸبٸندە; مەتاللۋرگييادا , ونىڭ ٸشٸندە تٷستٸ مەتالدار ٶندٸرٸسٸندە; ماشينا جاساۋدا, ونىڭ ٸشٸندە اۆتوموبيل جاساۋدا; فارماتسەۆتيكادا بايقالىپ وتىر.
«2021 جىلعى 4 ناۋرىزدا وپەك+ مونيتورينگ كوميتەتٸنٸڭ وتىرىسى ٶتتٸ. وندا قازاقستان ٷشٸن مۇناي ٶندٸرۋدٸڭ تەۋلٸكتەگٸ كٶلەمٸن 20 مىڭ باررەلگە دەيٸن ۇلعايتۋدى كٶزدەيتٸن جەكە شارتتار كەلٸسٸلدٸ. بۇل شارالار تاۋ-كەن ٶندٸرٸسٸندە ٶسۋ قارقىنىن قالىپتى ۇلعايتۋعا مٷمكٸندٸك بەرەدٸ. كٶمٸر ٶنەركەسٸبٸندە 4,5 پايىز دەنگەيٸندە ٶسٸم بايقالادى. قىزمەت كٶرسەتۋ سەكتورىندا اقپارات پەن بايلانىس سالاسىنىڭ ٶسۋ قارقىنى جوعارى. نەگٸزگٸ كاپيتالعا ينۆەستيتسييالار ٶسٸمٸ تاۋ-كەن ٶندٸرٸسٸن قوسپاعاندا +13,3 پايىزدى قۇرادى», - دەدٸ پرەمەر-مينيستر.
