QR Premer-Ministri Asqar Mamin Eýraziialyq úkimetaralyq keńestiń (EÚAK) otyrysyna beinekonferentsiia bailanysy rejiminde qatysty, dep habarlaidy "Ult aqparat" QR Úkimetiniń resmi saityna silteme jasap.
Úkimet basshysy Eýraziialyq ekonomikalyq odaqta jáne odan tys jerlerde saýdanyń kólemi men turaqtylyǵyn arttyrý qajettigin atap ótti, bul EAEO-nyń erkin saýda aimaǵy týraly kelisimderi bar elderdiń tizimin keńeitýdi talap etedi. Premer-Ministr EAEO aiasyndaǵy investitsiialyq qyzmettiń ishki áleýetin arttyrý jónindegi jumysty kúsheitýdiń mańyzdylyǵyn atap ótti.
«Bul protseste negizgi maqsaty EAEO-ǵa múshe memleketterdiń ekonomikalyq ósýine yqpaldasý jáne investitsiialyq qyzmetti júzege asyrý arqyly saýda-ekonomikalyq bailanystardy keńeitý bolǵan Eýraziialyq damý banki birinshi kezektegi róldi atqarýy tiis», - dedi A. Mamin.
Úkimet basshysy EAEO-da qabyldanatyn barlyq sheshimderdiń biznesti damytýǵa, EAEO elderi biýdjetteriniń shyǵystaryna jáne jalpy alǵanda ekonomikalyq kórsetkishterdi jaqsartýǵa áserin mindetti sandyq jáne sapalyq baǵalaýdy engizýdi usyndy. Otyrysqa qatysýshylar Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttaryn, memlekettik (mýnitsipaldyq) satyp alý maqsattary úshin taýarlardyń jekelegen túrleriniń shyǵarylǵan elin aiqyndaý qaǵidalaryn, EAEO ishki naryǵynda 2021-2022 jyldary joiylýy tiis alyp tastaý jáne shekteýler tizbesin, biryńǵai kedendik-tariftik retteý máselesin, sondai-aq EAEO aiasynda qurylys salasynda kórsetiletin qyzmetterdiń biryńǵai naryǵynyń jumys isteýin qamtamasyz etý jónindegi is-sharalar josparyn qarady.
