QR Premer-Ministri Asqar Mamin QR Aqparat jáne qoǵamdyq damý ministrliginiń ujymyna jańa ministr – Aida Balaevany tanystyrdy, dep habarlaidy QR Úkimetiniń baspasóz qyzmeti.
Úkimet basshysy burynǵy ministr Dáýren Abaevqa atqarǵan jumysy úshin alǵys aityp, jańa qyzmetinde tabys tiledi.
Asqar Mamin jańa ministrdi tanystyra otyryp, Aida Balaevanyń aqparat jáne ishki saiasat salasyndaǵy 20 jyldyq jumys tájiribesin atap ótti. Túrli jyldary ol Almaty qalasynyń ishki saiasat departamentiniń direktory, Astana qalasy ákiminiń orynbasary, QR Prezidenti Ákimshiliginiń Ishki saiasat bóliminiń meńgerýshisi qyzmetterin atqarǵan.
Osyǵan deiin QR Prezidentiniń kómekshisi – QR Prezidenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyn atqarǵan.
