Qasym-Jomart Toqaevtyń tapsyrmasy boiynsha Táýelsizdiktiń 30 jyldyǵyn merekeleý qarsańynda QR Premer-Ministri Asqar Mamin jumys saparymen Aqmola oblysyna bardy. Onda jańa óndiristi bastap berip, óńir turǵyndaryna memlekettik nagradalardy tabystady, dep habarlaidy primeminister.kz.
Qazaqstan Táýelsizdiginiń 30 jyldyǵyna arnalǵan saltanatty sharada sóilegen sózinde Asqar Mamin Aqmola oblysy elimizdiń mańyzdy agrarlyq-indýstriialyq óńirleriniń biri ekenin atap ótti. Táýelsizdik jyldarynda jalpy óńirlik ónim $446 mln-nan $5,4 mlrd-qa deiin 12 ese ósti.
Jalpy elimiz boiynsha oblys astyq jinaityn kombaindardyń 70%-ǵa jýyǵyn, traktorlardyń 43%-yn, mamandandyrylǵan avtomobilderdiń 47%-dan astamyn, moiyntirekterdiń 100%-yn, quramynda altyny bar óndiriletin kenderdiń 45%-dan astamyn, jartylai óńdelgen altynnyń 27%-ǵa jýyǵyn shyǵarady.
Indýstriialandyrý kartasynyń jobalaryn iske asyrý qosylǵan quny joǵary, buǵan deiin shyǵarylmaǵan 20-ǵa jýyq jańa ónim túrleriniń óndirisin uiymdastyrýǵa múmkindik berdi.
Aqmola oblysy elimizdiń azyq-túlik qaýipsizdigin qamtamasyz etýde mańyzdy ról atqarady. Oblys el ishinde aýyl sharýashylyǵynyń úlesi boiynsha 5-shi orynda. Óńir 25% astam astyq (5 mln tonna), 23,5% qus etin (80 myń tonna), 16% jumyrtqa (800 mln dana) jáne 8% et (150 myń tonna) óndiredi. Egistik jer kólemi 5 mln gektardan asady, oblys aýmaǵynda 8 qus fabrikasy jáne 15 et óńdeý kásiporny jumys isteidi.
Kólik infraqurylymy belsendi túrde jańǵyrtylýda, balabaqshalar, mektepter, meditsinalyq jáne sport obektileri salynyp jatyr. 6,9 mln sharshy metrge jýyq turǵyn úi salyndy. Jalpy qýaty 290 MVt bolatyn jańartylatyn energetika obektileri iske qosyldy.
Týrizm salasynda da eleýli ózgerister boldy. 3 memlekettik ulttyq tabiǵi park ashyldy: «Kókshetaý» (1996 j.), «Býrabai» (2000 j.) jáne «Buirataý» (2011 j.), jalpy aýdany shamamen 240 myń ga. Shýchinsk-Býrabai kýrorttyq aimaǵynyń aýmaǵynda 15 mlrd teńgeden astam somaǵa týrizm jobalary iske asyryldy. Jalpy investitsiia kólemi 100 mlrd teńge bolatyn Býrabai kýrorttyq aimaǵyn damytý jobalaryn iske asyrý kózdelgen.
Oblystyń áleýetin arttyrý sheńberinde 2025 jylǵa deiin AÓK, energetika, qurylys materialdaryn óndirý, kólik jáne logistika jáne t. b. perspektivaly salalarda jalpy somasy 2 trln teńge bolatyn 340-qa jýyq mańyzdy investitsiialyq jobany iske asyrý kózdelgen.
Memleket basshysy Qasym-Jomart Toqaevtyń Jarlyǵyna sáikes, QR Premer-Ministri A. Mamin Táýelsizdik kúnine orai Aqmola oblysynyń aýyl sharýashylyǵy taýaryn óndirýshilerine, kásiporyndardyń jumysshylaryna, densaýlyq saqtaý, sport, BAQ salasynyń ókilderine jáne kásipkerlerge memlekettik nagradalardy tabystady.
«Parasat» ordenimen «Árip-Agro» JShS direktory Ýálihan Áripov, II dárejeli «Dostyq» ordenimen «Kazrost» kompaniialar tobynyń quryltaishysy David Bejýashvili, «Qurmet» ordenimen – «ENKI» JShS direktory Myrzabai Ábdiqalyqov jáne «Tuqym Agro» JShS direktory Igor Pýgachev, III dárejeli «Eńbek dańqy» ordenimen – «Qamqor Lokomotiv» JShS «Atbasar elektrovoz jóndeý zaýyty» filialynyń avtomatty tsehynyń jyljymaly quramyn jóndeý slesari Sáken Ábdirahmanov jáne «EPK Stepnogorsk» AQ tehnikalyq baqylaý ýchaskesiniń sheberi Tatiana Sherbakova marapattaldy.
«Eren eńbegi úshin» medalimen «Qazaqstan agroinnovatsiialyq korporatsiiasy» JShS bas direktory Oleg Balybin, «KI 811 avtojóndeý zaýyty» AQ bas direktory Ramil Baiazitov, «KTK» telearnasynyń menshikti tilshisi Aizat Dúisen marapattaldy.
«Shapaǵat» medalimen «Qazaqstan halyq banki» AQ Aqmola oblystyq filialynyń direktory Dáýlet Topin, QR Qurmet gramotasymen jeke kásipker Bolat Ábdirahmanov, «Qazaqstan Respýblikasynyń Táýelsizdigine 30 jyl» mereitoilyq medalimen «Rodina» agrofirmasy» JShS bas direktory Ivan Saýer, Aqmola oblysynyń densaýlyq saqtaý salasynyń eńbek sińirgen ardageri Bolat Janádilov, joǵary sport sheberligi mektebiniń bokstan halyqaralyq dárejedegi sport sheberi Temirtas Júsipov marapattaldy.
Jumys sapary barysynda Úkimet basshysy «ENKI» JShS keramikalyq kirpish shyǵarý jobasynyń II kezeńiniń ashylý rásimine qatysty.
Kásiporynnyń qýaty - jylyna 30 mln dana kirpish. 2010 jyly paidalanýǵa berilgen kirpish zaýyty jobasynyń I kezeńin eskere otyryp, kirpish óndirisiniń jalpy qýaty jylyna 90 mln danany, al jumys oryndarynyń sany 400 quraidy.
Zaýyt ónimi QR ishki naryǵyna jetkiziledi, sondai-aq shetelge eksporttalady.
Sonymen qatar Premer-Ministr Aqmola oblystyq tarihi-ólketaný mýzeiindegi «Táýelsizdiktiń 30 jyly» jańa zalymen tanysty, «Bolashaq sarai» saraiyna jáne «Kókshetaý» mádeniet saraiyna bardy.
