قاسىم-جومارت توقاەۆتىڭ تاپسىرماسى بويىنشا تەۋەلسٸزدٸكتٸڭ 30 جىلدىعىن مەرەكەلەۋ قارساڭىندا قر پرەمەر-مينيسترٸ اسقار مامين جۇمىس ساپارىمەن اقمولا وبلىسىنا باردى. وندا جاڭا ٶندٸرٸستٸ باستاپ بەرٸپ, ٶڭٸر تۇرعىندارىنا مەملەكەتتٸك ناگرادالاردى تابىستادى, دەپ حابارلايدى primeminister.kz.
قازاقستان تەۋەلسٸزدٸگٸنٸڭ 30 جىلدىعىنا ارنالعان سالتاناتتى شارادا سٶيلەگەن سٶزٸندە اسقار مامين اقمولا وبلىسى ەلٸمٸزدٸڭ ماڭىزدى اگرارلىق-يندۋسترييالىق ٶڭٸرلەرٸنٸڭ بٸرٸ ەكەنٸن اتاپ ٶتتٸ. تەۋەلسٸزدٸك جىلدارىندا جالپى ٶڭٸرلٸك ٶنٸم $446 ملن-نان $5,4 ملرد-قا دەيٸن 12 ەسە ٶستٸ.
جالپى ەلٸمٸز بويىنشا وبلىس استىق جينايتىن كومباينداردىڭ 70%-عا جۋىعىن, تراكتورلاردىڭ 43%-ىن, مامانداندىرىلعان اۆتوموبيلدەردٸڭ 47%-دان استامىن, مويىنتٸرەكتەردٸڭ 100%-ىن, قۇرامىندا التىنى بار ٶندٸرٸلەتٸن كەندەردٸڭ 45%-دان استامىن, جارتىلاي ٶڭدەلگەن التىننىڭ 27%-عا جۋىعىن شىعارادى.
يندۋسترييالاندىرۋ كارتاسىنىڭ جوبالارىن ٸسكە اسىرۋ قوسىلعان قۇنى جوعارى, بۇعان دەيٸن شىعارىلماعان 20-عا جۋىق جاڭا ٶنٸم تٷرلەرٸنٸڭ ٶندٸرٸسٸن ۇيىمداستىرۋعا مٷمكٸندٸك بەردٸ.
اقمولا وبلىسى ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋدە ماڭىزدى رٶل اتقارادى. وبلىس ەل ٸشٸندە اۋىل شارۋاشىلىعىنىڭ ٷلەسٸ بويىنشا 5-شٸ ورىندا. ٶڭٸر 25% استام استىق (5 ملن توننا), 23,5% قۇس ەتٸن (80 مىڭ توننا), 16% جۇمىرتقا (800 ملن دانا) جەنە 8% ەت (150 مىڭ توننا) ٶندٸرەدٸ. ەگٸستٸك جەر كٶلەمٸ 5 ملن گەكتاردان اسادى, وبلىس اۋماعىندا 8 قۇس فابريكاسى جەنە 15 ەت ٶڭدەۋ كەسٸپورنى جۇمىس ٸستەيدٸ.
كٶلٸك ينفراقۇرىلىمى بەلسەندٸ تٷردە جاڭعىرتىلۋدا, بالاباقشالار, مەكتەپتەر, مەديتسينالىق جەنە سپورت وبەكتٸلەرٸ سالىنىپ جاتىر. 6,9 ملن شارشى مەترگە جۋىق تۇرعىن ٷي سالىندى. جالپى قۋاتى 290 مۆت بولاتىن جاڭارتىلاتىن ەنەرگەتيكا وبەكتٸلەرٸ ٸسكە قوسىلدى.
تۋريزم سالاسىندا دا ەلەۋلٸ ٶزگەرٸستەر بولدى. 3 مەملەكەتتٸك ۇلتتىق تابيعي پارك اشىلدى: «كٶكشەتاۋ» (1996 ج.), «بۋراباي» (2000 ج.) جەنە «بۇيراتاۋ» (2011 ج.), جالپى اۋدانى شامامەن 240 مىڭ گا. ششۋچينسك-بۋراباي كۋرورتتىق ايماعىنىڭ اۋماعىندا 15 ملرد تەڭگەدەن استام سوماعا تۋريزم جوبالارى ٸسكە اسىرىلدى. جالپى ينۆەستيتسييا كٶلەمٸ 100 ملرد تەڭگە بولاتىن بۋراباي كۋرورتتىق ايماعىن دامىتۋ جوبالارىن ٸسكە اسىرۋ كٶزدەلگەن.
وبلىستىڭ ەلەۋەتٸن ارتتىرۋ شەڭبەرٸندە 2025 جىلعا دەيٸن اٶك, ەنەرگەتيكا, قۇرىلىس ماتەريالدارىن ٶندٸرۋ, كٶلٸك جەنە لوگيستيكا جەنە ت. ب. پەرسپەكتيۆالى سالالاردا جالپى سوماسى 2 ترلن تەڭگە بولاتىن 340-قا جۋىق ماڭىزدى ينۆەستيتسييالىق جوبانى ٸسكە اسىرۋ كٶزدەلگەن.
مەملەكەت باسشىسى قاسىم-جومارت توقاەۆتىڭ جارلىعىنا سەيكەس, قر پرەمەر-مينيسترٸ ا. مامين تەۋەلسٸزدٸك كٷنٸنە وراي اقمولا وبلىسىنىڭ اۋىل شارۋاشىلىعى تاۋارىن ٶندٸرۋشٸلەرٸنە, كەسٸپورىنداردىڭ جۇمىسشىلارىنا, دەنساۋلىق ساقتاۋ, سپورت, باق سالاسىنىڭ ٶكٸلدەرٸنە جەنە كەسٸپكەرلەرگە مەملەكەتتٸك ناگرادالاردى تابىستادى.
«پاراسات» وردەنٸمەن «ەرٸپ-اگرو» جشس ديرەكتورى ۋەليحان ەرٸپوۆ, II دەرەجەلٸ «دوستىق» وردەنٸمەن «كازروست» كومپانييالار توبىنىڭ قۇرىلتايشىسى داۆيد بەجۋاشۆيلي, «قۇرمەت» وردەنٸمەن – «ENKI» جشس ديرەكتورى مىرزاباي ەبدٸقالىقوۆ جەنە «تۇقىم اگرو» جشس ديرەكتورى يگور پۋگاچەۆ, III دەرەجەلٸ «ەڭبەك داڭقى» وردەنٸمەن – «قامقور لوكوموتيۆ» جشس «اتباسار ەلەكتروۆوز جٶندەۋ زاۋىتى» فيليالىنىڭ اۆتوماتتى تسەحىنىڭ جىلجىمالى قۇرامىن جٶندەۋ سلەسارٸ سەكەن ەبدٸراحمانوۆ جەنە «ەپك ستەپنوگورسك» اق تەحنيكالىق باقىلاۋ ۋچاسكەسٸنٸڭ شەبەرٸ تاتيانا ششەرباكوۆا ماراپاتتالدى.
«ەرەن ەڭبەگٸ ٷشٸن» مەدالٸمەن «قازاقستان اگرويننوۆاتسييالىق كورپوراتسيياسى» جشس باس ديرەكتورى ولەگ بالىبين, «كي 811 اۆتوجٶندەۋ زاۋىتى» اق باس ديرەكتورى راميل بايازيتوۆ, «كتك» تەلەارناسىنىڭ مەنشٸكتٸ تٸلشٸسٸ ايزات دٷيسەن ماراپاتتالدى.
«شاپاعات» مەدالٸمەن «قازاقستان حالىق بانكٸ» اق اقمولا وبلىستىق فيليالىنىڭ ديرەكتورى دەۋلەت توپين, قر قۇرمەت گراموتاسىمەن جەكە كەسٸپكەر بولات ەبدٸراحمانوۆ, «قازاقستان رەسپۋبليكاسىنىڭ تەۋەلسٸزدٸگٸنە 30 جىل» مەرەيتويلىق مەدالٸمەن «رودينا» اگروفيرماسى» جشس باس ديرەكتورى يۆان ساۋەر, اقمولا وبلىسىنىڭ دەنساۋلىق ساقتاۋ سالاسىنىڭ ەڭبەك سٸڭٸرگەن ارداگەرٸ بولات جانەدٸلوۆ, جوعارى سپورت شەبەرلٸگٸ مەكتەبٸنٸڭ بوكستان حالىقارالىق دەرەجەدەگٸ سپورت شەبەرٸ تەمٸرتاس جٷسٸپوۆ ماراپاتتالدى.
جۇمىس ساپارى بارىسىندا ٷكٸمەت باسشىسى «ENKI» جشس كەراميكالىق كٸرپٸش شىعارۋ جوباسىنىڭ II كەزەڭٸنٸڭ اشىلۋ رەسٸمٸنە قاتىستى.
كەسٸپورىننىڭ قۋاتى - جىلىنا 30 ملن دانا كٸرپٸش. 2010 جىلى پايدالانۋعا بەرٸلگەن كٸرپٸش زاۋىتى جوباسىنىڭ I كەزەڭٸن ەسكەرە وتىرىپ, كٸرپٸش ٶندٸرٸسٸنٸڭ جالپى قۋاتى جىلىنا 90 ملن دانانى, ال جۇمىس ورىندارىنىڭ سانى 400 قۇرايدى.
زاۋىت ٶنٸمٸ قر ٸشكٸ نارىعىنا جەتكٸزٸلەدٸ, سونداي-اق شەتەلگە ەكسپورتتالادى.
سونىمەن قاتار پرەمەر-مينيستر اقمولا وبلىستىق تاريحي-ٶلكەتانۋ مۋزەيٸندەگٸ «تەۋەلسٸزدٸكتٸڭ 30 جىلى» جاڭا زالىمەن تانىستى, «Bolashaq sarai» سارايىنا جەنە «كٶكشەتاۋ» مەدەنيەت سارايىنا باردى.
