Qazaqstannyń depozitterge kepildik berý qory agent bank retinde «AsiaCredit Bank» AQ salymshylaryna agent bank retinde tańdap alynǵan «Evraziiskii bank» AQ arqyly kepildik berilgen ótem tóleý 2021 jyldyń 24 aqpanynda bastaldy, dep habarlaidy "Ult aqparat".
2021 jyldyń 25 aqpanyndaǵy jaǵdai boiynsha Qazaqstannyń depozitterge kepildik berý qory azamattarǵa agent bank arqyly shamamen 7,06 mlrd teńge tóledi. Bul Qordyń bank salymshylarynyń aldyndaǵy mindettemeleriniń jalpy kóleminiń 37 paiyzyn quraidy.
Eske salamyz, kepildik berilgen ótemdi alý úshin «AsiaCredit Bank» AQ salymshylary agent banktiń kez kelgen filialy nemese bólimshesine baryp, nemese www.eubank.kz saity arqyly tólem alýǵa ótinish toltyrýlary tiis.
Ótemdi alý úshin salymshy jeke basyn kýálandyratyn qujatyn kórsetýi qajet. Eger salymshynyń ornyna basqa tulǵa ótinish beretin bolsa (senimhat boiynsha ókil, murager, basqa da quqyq ielenýshi), onda agent bankke: senimhat, notariýs kýálandyrǵan muragerlik quqyǵy týraly kýálik nemese basqa da quqyq belgileýshi qujattar usynylady.
QDKBQ Eýraziialyq banktiń bólimshelerine barýdan aldyn, onyń saity (https://eubank.kz/asiacreditbank/?lang=kz) arqyly: tólem somalaryn tekserý, bólimshelerdiń jumysbastylyǵy jáne jumys kestesi týraly aldyn ala bilip alýǵa keńes beredi.
Depozitter boiynsha kepildikter jáne kepildik berilgen ótemdi tóleý týraly jalpy aqparattar Qordyń www.kdif.kz saitynda qoljetimdi.Salymshylar aqyl-keńes alý úshin 1460 telefon nómiri, sondai-aq QDKBQ saityndaǵy chat, @kdif_ask Telegram-chaty, Qordyń Facebook jáne Instagram áleýmettik jelilerindegi deposit.kz resmi paraqshalary, sondai-aq info@kdif.kz elektrondyq poshtasy arqyly habarlasa alady.
