Osy jyldyń 23-shi maýsymynda Aqjol fraktsiiasy, Qazaqstandaǵy taǵamdyq ashytqy óndirý salasyndaǵy jalǵyz otandyq óndirýshi – Almaty ashytqy zaýytynyń «jetim balanyń kúiin keshken» jaǵdaiyna bailanysty depýtattyq saýal joldaǵan edi. Jaýaby «siyrquimyshaqtanyp» ketken osy máselege bailanysty Májilistiń sońǵy Plenarlyq otyrysynda depýtat Berik Dúisenbinov taǵy áńgime kóterdi.
«Atalmysh kompaniia 40 jyldyq tarihy bar aýylsharýashylyq óńdeýshisi bolyp tabylady, - dedi ol, - óitkeni shikizat retinde qant qyzylshasynyń qaldyqtaryn qoldanyp, nan toqash pisirýge qoldanylatyn ashytqy jasaidy. Osy ashytqymen pisken nan ár Qazaqstandyqtyń dastarhanynda tur desek artyq aitpaimyz.
Biraq, belgisiz sebeptermen, atalǵan zaýyt 70% deiin azaitylǵan arnaiy salyq rejimine kiretin aýylsharýashylyq ónimderin óńdeýshilerdiń qataryna kirmei qaldy.
Belorýsiia men Reseidiń osyndai uqsas ónim óndirýshi kompaniialary bazalyq 18%stavkadan jeńildetilgen stavkamen qosymsha qun salyǵyn 10% tólep otyrǵan kezde, AAZ tolyq kólemde 12% tóleýde.Nátijesinde otandyq ashytqy syrttan kelgen bəsekelesterdiń arzan ashytqysyna tótep bere almai, ishki naryqtan yǵystyrylýda.
«Aq jol» fraktsiiasy úshin ərbir otandyq óndirýshi qymbat! Onyń ústine Almaty Ashytqy Zaýyty otandyq óndiristegi búkil bir sektordaǵy jalǵyz turǵan mekeme!
Osy oraida taǵamdyq ashytqy óndirýdi QR Salyq kodeksiniń 267-baby,2- tarmaǵy boiynsha jeńildetilgen baǵyttarynyń qataryna qosýdy usynǵan edik.
Ókimet óziniiń jaýabynda Álemdik Saýda Uiymynyń talaptaryna súiene otyryp, joǵarydaǵy mekemeni qoldaýdan bas tartqan edi.
Al, Álemdik Saýda Uiymyna múshe memleketter mundai jaǵdaiǵa túsken ózderiniń kəsiporyndaryn qoldaýdyń amalyn oilap tabýda.
Sonaý 2012 jyly Elbasymyz Úkimetke halyqaralyq təjirbieni zerttep, otandyq óndirýshilerdi qoldaý sharalaryn oilastyrýdy tapsyryp edi. Áli kúnge deiin basqa tapsyrmalarynda da osyny qadap aitýda.
Suraq: Úkimet salyqtyq yntalandyrýdyń ornyna qandai qoldaý sharalaryn jasap shyǵardy jəne osy salany qoldaý úshin ne istemek oilary bar?»
Úkimet ázirge únsiz. Al, qazaqstandyqtar Resei men Belarýstan kelgen arzan ashytqymen baýyrsaqtaryn pisirip, «jeti nan» taratýda. Al, otandyq ashytqy zaýytynyń jaǵdaiy qiyndap barady.
Ult portaly
