Ashyq jobasyna engizilgen nysandar kelýshilerdiń mártebesin QR kod nemese JSN boiynsha tekseredi, dep habarlaidy "Ult aqparat".
Bul týraly QR DSM Bas memlekettik sanitar dárigeri Erlan Qiiasovtyń Kásipkerlik obektilerinde «Ashyq» mobildik qosymshasyn engizý týraly jańa qaýlysymen birge jariialanǵan 2-qosymshada naqty kórsetilgen.
Ol boiynsha:
«Ashyq» jobasyna engizilgen obektilerde kásipkerlik sýbektisi kelýshilerdiń mártebesin QR kod nemese JSN boiynsha tekseredi.
Kásipker nysan ákimshisi «sary/qyzyl» mártebesi bar oqshaýlanýǵa jatatyn kelýshini anyqtaǵan kezde «sary/qyzyl» mártebesi bar skrinshot usyna otyryp, mobildi bailanys, elektrondy poshta arqyly Sanitariialyq-epidemiologiialyq baqylaý komitetiniń aýmaqtyq departamentterine fakti týraly habarlaidy.
«Jasyl» mártebe – kelýshi derekter bazasynda COVID-19-ǵa teris nátijemen PTR testileýden ótken retinde belgilengen;
«Kók» mártebe – PTR testileý nátijesi joq, COVID-19-ben aýyratyn naýqaspen bailanysta bolǵan adam retinde sanalmaidy;
«Sary» mártebe – derekter bazasynda COVID-19-ben aýyratyn naýqaspen bailanysta bolǵan adam retinde kórsetilgen;
«Qyzyl» mártebe – bazada COVID-19-ǵa PTR-testileýdiń oń nátijesimen tirkelgen, «aýrý juqtyrǵan» - U 07.2 kody mártebesi bar patsientter.
Kelýshide smartfon bolmaǵan jaǵdaida kásipkerlik obektisiniń qyzmetkeri kelýshiniń kelisimimen onyń mártebesin JSN boiynsha aqparattyq júiede tekseredi.
Jobaǵa qatysatyn kásipkerlik obektilerine «sary/qyzyl» mártebesi bar kelýshiler jiberilmeidi.
Ainalasyndaǵylar úshin qaýipti bolyp tabylatyn aýrýdy jasyrǵan jaǵdaida, «Ákimshilik quqyq buzýshylyq týraly» Qazaqstan Respýblikasynyń 2014 jylǵy 5 shildedegi Kodeksine sáikes ákimshilik jaýapkershilik kózdelgen. Osy tarmaqtyń kúshi «sary» mártebesi bar adamdarǵa qoldanylmaidy.
Nysanǵa barý faktisi qaita anyqtalǵan jaǵdaida jeke tulǵaǵa qatysty ákimshilik sipattaǵy sharalar qoldanylady.
