Ashyq jobasy adamdardyń erkin qozǵalysyn shekteý me? Bul saýalǵa sanitarlyq-epidemiologiialyq baqylaý komiteti tsifrlandyrý basqarmasynyń basshysy Saian Ábishev aitty, dep habarlaidy QazAqparat.
«QR Bas sanitar dárigeriniń №67 qaýlysyna sáikes, naýqas jáne bailanysta bolǵandar dep bólinedi. Máselen, atalǵan joba boiynsha mártebe beriledi. Nysanǵa kirgen kezde QR-kodty skanerleisiz. Sol kezde kelýshiniń mobildi qosymshasynda indikator kórinedi. Qyzyl tús - kelýshiniń naýqas ekenin, sary tús - bailanysta bolǵanyn, al jasyl tús - bailanysta bolǵandar bazasynda tirkelmegenin bildiredi. Kók tús PTR zertteýden ótpegenin kórsetedi», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol Ashyq mobildi qosymshasy adamdardyń erkin qozǵalysyna shekteý qoimaityndyǵyn basa aitty.
Al Nur-Sultan qalalyq turaqty damý ortalyǵynyń IT-sáýletshisi, tsifrlandyrý salasynyń mamany Vitalii Pýstovoitenko QR-kodtar «InfoQazaqstan» elektrondy platformasynda sýbektilerge beriletindigin aitady.
«QR-kod árbir kirip-shyqqan kezge beriledi. Bizde aýmaǵy úlken, birneshe kiretin esigi bar biznes sýbektileri bar. Soǵan orai júiede eki QR-kod basyp shyǵarylady. Bireýi – kirýge, al ekinshisi - shyǵýǵa», - dedi ol.
