Ashyq qosymshasynda jasyl tústi mártebesi bar azamattar shetelden kelgen jaǵdaida da PTR-test tapsyrmaýyna bolady, dep habarlaidy QazAqparat.
Bul týraly Sanitarlyq-epidemiologiialyq baqylaý komiteti kóliktegi sanitarlyq-epidemiologiialyq baqylaý departamentiniń basshysy Janar Orazalina málim etti.
«Vaktsina alǵan adamnyń Ashyq qosymshasyndaǵy mártebesi jasyl tústi bolady. Iaǵni onyń júrip-turýyna shekteý joq. Memlekettik bas sanitar dárigerdiń qaýlysyna qosymsha ózgerister engizildi. Ol boiynsha Ashyq qosymshasyndaǵy mártebesi jasyl tústi jolaýshylar shetelden ushyp kelip, PTR- test nátijesin usynbai-aq bizdiń shekaradan ishke kire alady», - dep naqtylady Janar Orazalina.
Osy shara barysynda «Atameken» ulttyq kásipkerler palatasy basqarma tóraǵasynyń orynbasary Iýliia Iakýpbaeva vaktsinalaý pasporty Ashyq qosymshasyna kiriktiriletinin aitqan bolatyn.
«Qazir biz sanitarlyq dárigerlermen sóilesip jatyrmyz, integratsiia bolǵan kezde adam uzaq ýaqyt boiy jasyl mártebege ie bolady», - dep qosty Iýliia Iakýpbaeva.
Joba jetekshileriniń aitýynsha, vaktsina alǵan adamǵa beriletin «jasyl» mártebeniń jaramdylyq merzimi áli naqtylanyp jatyr.
