Ashyq-ta «qyzyl» mártebesi bar azamattar qoǵamdyq orynda júrgeni úshin aiyppul tóleitin bolady, dep habarlaidy "Ult aqparat".
Ákimshilik jaýapkershilik ózin-ózi oqshaýlaý rejimin qasaqana buzatyndarǵa baǵyttalǵan.
«Sanitarlyq-epidemiologiialyq baqylaý komiteti QR Densaýlyq saqtaý ministrligi koronavirýs infektsiiasyna shaldyqqan naýqastar men olarmen bailanysta bolǵan adamdar úshin oqshaýlanýdyń mindetti rejimin kózdeitin sanitarlyq erejelerdi bekitkenin habarlaidy. Bul talaptardy oryndamaǵandar úshin ákimshilik jaza kózdelgen. Ereje 2021 jylǵy 10 maýsymda kúshine enedi», - dep jazady Sanitarlyq-epidemiologiialyq baqylaý komitetiniń baspasóz qyzmeti.
Ózin-ózi oqshaýlaý rejimin buzýshylar Ashyq aqparattyq platformasy arqyly anyqtalady. Ashyq jobasyna qatysatyn qoǵamdyq nysandarǵa barǵan kezde «qyzyl» mártebesi bar bolyp shyqqan adamdar oqshaýlaný erejesin buzǵan bolyp sanalady.
«Karantindegi naýqas adamnyń sanitarlyq-epidemiologiialyq talaptardy saqtamaýy Ákimshilik quqyq buzýshylyq týraly kodekstiń 802-baby boiynsha ákimshilik quqyq buzýshylyq týraly is qozǵaýǵa jáne oǵan ákimshilik jazalaý sharalaryn qoldanýǵa sebep bolady. Eger azamat óziniń mártebesi týraly bile tura, oqshaýlaný rejimin buzsa jáne ainalasyndaǵylarǵa qasaqana juqtyrý qaýpin týdyrsa, oǵan 30 AEK nemese 87 510 teńge mólsherinde ákimshilik aiyppul salynady», - dep túsindirdi komitet mamandary.
