«Ashyq» mobildi qosymshasyn ázirleýge biýdjet qarajaty jumsalǵan joq. Bul týraly Tsifrlyq damý, innovatsiia jáne aeroǵarysh ónerkásibi ministrligi tsifrlyq sheshimder departamentiniń direktory Bekbolat Moldabekov aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihaty barysynda ol «Ashyq» mobildi qosymshasyn ázirleýge biznes bastamashylyq jasaǵanyn, sondyqtan biýdjetten eshqandai qarajat shyǵyndalmaǵanyn basa atap ótti.
«Atameken» Ulttyq kásipkerler palatasy basqarmasy tóraǵasynyń orynbasary Nariman Ábilshaiyqov ta mobildi qosymshany ázirleýge qarajat jumsalmaǵanyn aitady.
«Jalpy, bul daqpyrtty seiiltý qajet. Tsifrlandyrý ónimderiniń ózi qymbatqa túspeidi. Bul otandyq óndirýshilerdiń ázirlemesi. Qazaqstandyq kompaniia «InfoQazaqstan» elektrondy platformasy men «Ashyq» mobildi qosymshasyn ázirlep shyqty. Soǵan orai bul bastamany júzege asyrý úshin memlekettik biýdjetten qarajat jumsalǵan joq», - dedi Nariman Ábilshaiyqov.
