Arnaiy qyzmetterdiń Ashyq qosymshasy arqyly azamattardyń qozǵalysyn baqylaýy múmkin be? Ortalyq kommýnikatsiialar qyzmetinde BAQ ókilderi joba jetekshilerine osyndai saýal qoidy, dep habarlaidy QazAqparat.
Bul suraqqa Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov jaýap berdi.
«Joq. Jobanyń tujyrymdamasy bizdiń eshqandai júiege qosylmaitynymyzdy, eshqandai baqylaý sharalaryn kózdemeitinimizdi naqty aiqyndaǵan. Jalǵyz eskeretin dúnie – «qyzyl» nemese «sary» tústi mártebe anyqtalǵan kezde biz tiisti biznes obektisine esep beremiz. Siz suraǵandai esepke alý nemese baqylaý joq», - dedi vitse-ministr.
Áset Turysov virýs juqtyrǵandar men bailanysta bolǵan adamdardyń málimetteri tek sanitarlyq dárigerlerge ǵana ketetinin qaitalap eskertti.
«Basqa eshqaida jiberilmeidi. Óz ókilettikteri aiasynda tek meditsina mamandary ǵana bul derekterdi kóre alady. Barlyǵy zańǵa sáikes bolady. Biz, eń aldymen, zańǵa súienemiz. Zań qaýlydan joǵary, al onda «eshkim jeke derekterdi paidalana almaidy» dep aitylǵan. Derbes derekter sotqa deiingi tergeý, sot sheshimi bolǵan jaǵdaida ǵana usynylýy múmkin. Bul jerde de zańǵa sáikes jumys isteimiz. Qaýlyǵa sáikes, Densaýlyq saqtaý ministrliginiń ókilettikterin eskere otyryp, biz derekterdi tek sanitarlyq dárigerlerge beremiz. Qalǵanynyń bári «Derbes derekter týraly» zańmen retteledi», - dep túsindirdi Áset Turysov.
