«Ashyq» qosymshasyndaǵy qazaqstandyqtardyń jeke málimetterin kim kóre alady? Bul saýalǵa sanitarlyq-epidemiologiialyq baqylaý komiteti tsifrlandyrý basqarmasynyń basshysy Saian Ábdishov jaýap berdi, dep habarlaidy QazAqparat.
«Ashyq» qosymshasynda eshqandai málimet jinalmaidy. Kelýshiniń JSN-i men tegi Densaýlyq saqtaý ministrliginiń júiesinde tirkeledi. Serverdegi málimetter QR Tsifrlyq damý, innovatsiia jáne aeroǵarysh ónerkásibi ministrliginde tur. Densaýlyq saqtaý ministrligi qosymshaǵa kelýshilerdiń kirýin óziniń aqparattyq júieleri arqyly kóredi», - dep túsindirdi Saian Ábdishov Ortalyq kommýnikatsiialar qyzmetindegi baspasóz máslihatynda.
Al Nur-Sultan qalalyq turaqty damý ortalyǵynyń IT-sáýletshisi, tsifrlandyrý salasynyń mamany Vitalii Pýstovoitenkonyń aitýynsha, mekeme qyzmetkeri kelýshi kórsetken mártebeni ǵana kóre alady.
«Atalǵan mártebede JSN-de kórinedi. Óitkeni, adam óziniń JSN-in engizip, oń nátijeniń nemese bailanysta bolǵan-bolmaǵandyǵyn tekseredi. Ol bul málimetterdi mekeme qyzmetkerine kórsetedi. Biraq, ol málimetteri kelýshi ózi engizedi», - dedi Vitalii Pýstovoitenko.
Onyń aitýynsha, mekemege uialy telefonsyz kelgen adam jeke málimetterin tekserýge kelisim beredi.
Sodan keiin mekeme qyzmetkerleri onyń málimetterin júiege engizip, koronavirýspen aýyrǵanyn nemese aýyrǵandarmen bailanysta bolǵan-bolmaǵanyn tekseredi.
