Ashyq qosymshasynda adamǵa belgilengen mártebe 14 kún boiy saqtalady. Ol tek eki aptadan soń ózgerýi múmkin. Bul týraly onlain brifing Almaty qalasy bas sanitarlyq dárigeriniń orynbasary Sadýaqas Baiǵabylov aitty, dep habarlaidy "Ult aqparat".
«Qyzyl» mártebesi barlardan bul belgi 14 kúnnen keiin alynyp tastalady jáne avtomatty túrde «sary» kúige aýysady. Eger naýqas adammen bailanysy bolsa, onda «sary» belgisimen rastalady. Eger 14 kúnniń ishinde olar aýyrmasa, onda sáikesinshe, «kókke» ótedi. Ár turǵyn óziniń mártebesi týraly biletin bolady. Eger ol aýyrsa, onda oǵan «qyzyl» belgi beriledi. Eger úide nemese jumysta naýqas adammen bailanysta bolǵan bolsa, onyń «sary» belgisi bolady», - dedi ol.
Sadýaqas Baiǵabylovtyń aitýynsha, Ashyq júiesi júmys istep tur. Sonymen qatar, óz nátijesin berýde.
Eske salaiyq, qyzyl – ambýlatoriialyq baqylaýdaǵy adamdarǵa berilip, úide oqshaýlanýy qajet ekenin kórsetedi. Sary – qozǵalysty ishinara shekteý, iaǵni patsientke úiden oqshaýlaý rejimin saqtaityn jerden 500 metrden aspaityn azyq-túlik jáne sharýashylyq dúkenderge, dárihanalarǵa barýǵa ruqsat etiledi. Kók – PTR mindetti bolatyn oryndardan basqa (mysaly, áýejaida) qozǵalysqa eshqandai shekteýler joq. Jasyl – qozǵalysta eshqandai shekteýler joqtyǵyn bildiredi.
