Nursultan Nazarbaev halyqaralyq áýejaiynda Ashyq qosymshasyna qatysty keleńsiz oqiǵa boldy. Muny áýejaidyń baspasóz hatshysy Anýar Shalekenov rastady, dep habarlaidy QazAqparat.
Onyń sózine qaraǵanda, oqiǵa 19 mamyrda bolǵan. Belgisiz turǵyn áýejai ǵimaratyna Ashyq júiesi arqyly kirýden bas tartyp, janjal shyǵarǵan.
«Ol Ashyq júiesin ainalyp ótýge tyrysqan kezde aviatsiialyq qaýipsizdik qyzmetkeri toqtatqan. Nysanǵa maskasyz kirgen er adam qyzmetkerge dene jaraqatyn saldy. Áýejai qyzmetkerleri politsiia bólimine júgindi. Kóp uzamai tártip buzýshy tabyldy», - deidi Anýar Shalekenov.
Endi astanalyq turǵyn osy áreketi úshin ákimshilik jaýapqa tartylýy múmkin.
«Túsinbeýshilik pen keleńsiz jailardy boldyrmaý úshin qosymshany aldyn ala júktep alyp, óz mártebeńizdi Nursultan Nazarbaev áýejaiynyń saityndaǵy QR-kod arqyly bilýińizdi suraimyz. «Qyzyl» nemese «sary» tústi mártebesi bar kelýshiler áýejaiǵa kirgizilmeitinin taǵy da eske salamyn», - dedi áýejaidyń baspasóz hatshysy.
